ТIекхочийла долу линкаш

ЦIеххьана кхаьчна хаам!

Футболан чемпионат йоьдуш хилахь хьеший тIеэца лууш ю Соьлж-ГIала


Нохчийчоь -- Актер Депардъе Жерар ву Соьлж-ГIалахь хьошалгIахь волуш стадионехь, 25ГIур2013

2018-чу шарахь Оьрсийчохь Футболан дуьненан чемпионат дIахьош Соьлж-ГIалахь цхьана хьешийн футболан тобанан база хилийта лууш бу иза кечйеш болу Iедалхой. Цу хаттарехь цкъачунна сацам бина бац ФИФА-н декъашхоша. Ткъа Нохчийчоьнан куьйгалхой сатесна бу и сацам дикачу агIор хирг хиларх.

2018-чу шарахь хир йолу Футболан дуьненан чемпионат кечйечу Iедалхошна чIогIа лаьа Нохчийчоьнан а, Дагестанан а куьйгалхойн лаам кхочуш беш, Соьлж-ГIалахь а, ХIинж-ГIалахь а цу къовсамехь дакъалоцуш йолу цхьацца футболан тобан дIатаръян.

Цунах лаьцна кху деношкахь хаам бира Оьрсийчоьнан спортан министро, «Оьрсийчоь-2018» чемпионат вовшахтохаран комитетан гIантдас Мутко Виталийс. Цо дийцарехь, футаболхой дIатарбийр болчу гIаланашна юкъахь ю Воронеж а, Ярославл а, Челябинск а, Липецк а, кхиерш а. Карарчу хенахь 64 база ю тидамехь латтош.

Царах 35 базица хIинцале а контракташ хIиттийна Футболан дуьненан чемпионат вовшахтохархоша. Чемпиолнат вовшахтохаран комитето шен болх дIаберзо безаш бу Товбеца- бутт тIекхачале. Цара гаранти ло Нохчийчохь а, Дагестанехь а хьешийн кхерамазалла ларъян.

Кху деношкахь Нохчийчоьнан куьйгалхочо Кадыров Рамзана чIагIо йира чемпионат дIахьош Соьлж-ГIалара база уггаре а дикачерах хир ю аьлла. Соьлж-ГIалахь вуно дика стадион ю ерриг а оьшуш йолу инфраструктура а йолуш, дуьненехь лелачу барамашца йогIуш а ю иза бохуш вара Кадыров Рамзан.

Делахь а Футболан дуьненан федераци цкъачунна реза хилла яц Соьлж-ГIала чемпионатехь дакъалоцур долу футболан тоба хьажо. Коьртаниг кхузахь кхерамазаллица доьзна хаттар ду. Хууш ма-хилла, нагахь нохчийн «Терк» тоба республикехь Iаш елахь а, масала, ХIинж-ГIаларчу «Анжин» футболхой Оьрсийчохь бехаш а, тренингаш еш а бу, кхерамазаллица доьзначу бахьанашца.

ФИФА-н векалша дийцарехь , Оьрсийчурча чемпионат вовшахтохархошца и хаттарш хIинца а дийцаре деш ду.

Нагахь цу тайпа сацам хилахь, хьеший тIеэца мел аьтонаш бу Соьлж-ГIалахь? И хаттар делира оха шен хенахь Нохчийчоьнан Олимпин комитетан куьйгалхо хиллачу Бадалов Руслане.

Бадалов Руслан:

please wait

No media source currently available

0:00 0:04:20 0:00
Линкана тIе

2018-чу шеран Футболан дуьненан чемпионатан матчаш хир ю Мангал-беттан 14-чу дийнахь дуьйна Товбеца-беттан 15-гIачу дийне кхаччалц Оьрсийчура 11 гIаларчу 12 стадионехь. Цу гIаланашна юкъахь ю Москох, Петарбух, Казан, Лахара Новгород, Саранск, Калининград, Волгоград, Екатеринбург, Самара, Сочи, Ростох.

"Венера Анзор" цIарца вевза Умаров Мамихан вийна Австрехь. Бахьанаш хIун хета шуна?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

Оха хьоьхург

XS
SM
MD
LG