Швецин прокуроро Ирман Хансас чIагIдарехь, мехкан низамхоша пIераскан дийнахь терроран акт Стокгольмехь ярна шеконехь волу лаьцна стаг Узбекистанехь вина 39 шо долу стаг ву. Иза бехке лору Охан-беттан 7-чу дийнахь киран машенца 4 стаг верна а, 15 герга стаг лазорна.
Швецин кхерамзаллин сервисаша хаамбарехь, и стаг кхераме санна лоруш вацара мехкан низамхоша тIаьхьарчу хенахь, хьалхо цунах церан шеконаш хиллехь а.
Кхерамзаллин сервисийн хьаькамо хаийтарехь, мехкан сервисаш кхечу пачхьалкхан сервисашца цхаьна болхбеш ю хилла теракт талларехь.