ТIекхочийла долу линкаш

ЦIеххьана кхаьчна хаам!

Брянскехь таджик верна 3 стаг лаьцна Дагестанехь


Архивера сурт
Архивера сурт

Дагестанехь кхо вахархо лаьцна, Таджикистанехь вина стаг верна. Царах шимма, Москван кIоштарчу кхин цхьана стагаца цхьаьна къиза хьийзина таджик вийна, 2019-чу шарахь Москварчу буьйсан клубехь шайн махкахо верна бехке хилар тIелаца бохуш.

Дийцарехь, и зулам дина чIир йоькъуш. Цунах лаьцна дуьйцуш ду Оьрсийчоьнан Талламан комитетан Брянскан кIоштан талламан урхаллин сайта тIехь.

Талламхойн версица, 2019-чу шарахь Гезгмашин-баттахь Москвахь цхьана буьйсан клубехь дов даьлча, Дагестанера вахархо а вийна, веддера Таджикистанан махкахо. Гарехь, кхушара Мангалан-баттахь веллачуьнан дас Москвахь лаьцна хилла ши дагестанхо, шен кIант вийнарг схьалахий иза вен аьлла.

Оцу шинна, Москван кIоштарчу вахархочо гIо а деш, хиъна хила мегаш волу чIирхо Брянскехь вехаш хиларх лаьцна. Товбеца-беттан 15-хь цуьнан петар чу а лилхийна, цунна етта а йиттина, хьунха а вигна лаьтта буха дIавоьллина цара иза.

Карарчу хенахь лаьцна ву и кхо стаг а, ткъа чIир екъа уьш лаьцна волу Дагестанера вахархо а.

  • Хьалхо полицин декъехь йиттина хиларан дегIа тIехь ларш а йолуш схьакарийра Товбеца-беттан 28-хь вайна хилла Дагестанан 25 шо долу вахархо Абакаров Тамерлан. Иза бехке веш ву шен хIусамехь герз а, оьккъуйту хIума а латторна.
  • 2020-чу шарахь Марсхьокху-баттахь Санкт-Петербургерчу полицин белхахоша герз тоьхна вийра 28 шо долу Дагестанехь вина Алимагомедов Терман. ГУ МВД-но бинчу хаамца, иза вийнера полисхой цунна тIаьхьабелла боьлхуш. Оцу стагана тидам тIебахна хиллера полицин патрулан гIалин Фрунзенски кIоштахь урамехь ха деш.
  • 2019-чу шарахь Краснодарехь вовшашна герз диттинера масийтта стага. Царах цхьаъ, Дагестанера 27 шо долу вахархо, кхелхира дарбанан хIусамехь. ТIахьо хаам кхечира оцу девнехь дакъалаьцна пхи стаг лаьцна хилар хьокъехь.

Оха хьоьхург

XS
SM
MD
LG