ТIекхочийла долу линкаш

ЦIеххьана кхаьчна хаам!
Кмузов Беслан

Шайн мохк бовбаккхар доьху балкхароша

Сталина шайн къам дохийна де билгалдаккха баьхкина мехкан лидерш а болуш, хIоьттийначу митингехь ( Зазадоккху-беттан 8-чохь), балкхароша дIакхайкхийра, шайна шакъаьстина Балкхаройн Республика еза, аьлла.

Халкъан реабилитаци хьахалушшехь, ГIебарта-Балкхаройчоьнан куьйгалхошна дуьхьалтуьйхира Хасанья юьртара "Козьий рынок" ("Гезарий юхку базар") – иза нехан дола цаяккхийта гIевттинера яхначу аьхка меттигера бахархой.

Балкхаройн къам Iедалера шена реабилитаци хиларе хьоьжуш Iа хIинццалц, шен лаьтта тIехь я кхион а, я ара а, я бажа бажон а йиш йоцуш деха, элира гуламехь балкхаройн къанойн кхеташонан хьалханчас Сабанчиев ИсмаьIала. Цунна цо бехкевира тоххара олаллера а воьссина, махкара дIавахана Каноков Арсен – цо ша президентан гIентахь волуш лаьттанех доладар тешийра кIоштийн дайшна.

"Цунах пайдаийцира хьакамаша, шайн а, шайн гергарчийн а карадерзийра латтанаш, ткъа нах хIумма а доцуш бисира. Цаьргахь 2-3 эзар гектар лаьттанаш ду, кхечаьргахь – данне а дац", - элира Сабанчиевс.

Мехкан къанойн хьалханчел тIаьхьа къамел динчу Элбрусан кIоштарчу баккхийчийн хьалханчас Ульбашев Юсупа дIахьедира: балкхарой ГIебартачоьнах дIакъаста беза.

"Оьрсийчоьнан конституцино луш болу пайда вай караэццалц лаьттара ду вайгахь вон хьал. Оьрсийчу а йогIуш, шакъаьстина Балкхаройн Республика хиллалц. Цхьа а тIом хир бац – гIебартой, балкхарой дукха хенахь дуьйна бу вежараллехь, гергарлонашкахь. Амма вай къам делахь – вайн республика а хила еза", - бохура Ульбашевс.

Гуламна кечйина резолюци дIайоьшучу жигархоша дагадаийтира шайн къомо 1991 шарахь рефендум хIоттийнийла а, шенна республика оьшийла хаийтинийла а.

Гуламан декларацино доьху Кремле ГIебарта-Балкхаройчуьра лаьттанаш халкъан доладахар а, Балкхаройчохь хьалха хьаькамашна а, церан гергарчарна а тIеяздина дакъош юхадIасадекъар а.

Гуламехь лаьттачу адыгаша вон дош а ца хазийра балкхарошна дуьхьал. Цул сов, цига веъначу чергазаша шайлахь лоруш волчу жигархочо Яганов ИбрахIима, нийса бу балкхаройн сатийсам, екъа еза республика, элира.

"Я церан а, я кхеран а йоцчу республико аьтто ца ло къаьмнашна я мотт, гIиллакх-оьздангалла лардан а, я пачхьалкхана тешаме халкъ кхолла а, балкхаройн лаам кхочушбан беза", - бохура Ягановс "Кавказ.Реалиица" къамелдеш.

… ДIасакъастар – иза лаьттанаш декъар ду, цо девнаш кхолла тарло. Эльбрусна гонахара лаьттанаш тешна а девр ду къовсаме – уьш гIебартоша а, балкахроша а цхьабосса доьзна лору шайн синкхетамца.

Ягановс Эльбрусца дерг кхелехь къасто деза элира.

"Кавказ.Реалиига" шен цIе цаяккхар дехначу лаьттаца дозу гIуллакхаш луьстучу Нальчикерчу юристо, "юриспруденцина бен-башха дац, мила мичахь хьалха ваьхна, амма цунна коьрта ду тахана мила мичахь веха", элира.

Цо дийцарехь, 60% балкхарой Нальчикехь а, гIебартойн ярташкахь а беха. Цундела атта хир дац шина агIонна шайн-шайн лаьттанаш а "эцна" дIасакъаста.

Ткъа Яганов ИбрахIимна хетарехь, дов-гIир а йоцуш къаста некъ болуш бу. "Латта доькъучу даьлча - иза хьакамийн а, къаьркъа дечу-духкучу жоьлкийн а долахь ду - харцо дIаяккхаррий бен, кхин зен хир дац, низам тIедаккха луучуьнга далуш ду иза", – аьлла хета Ягановна.

Дуьненан футболан чемпионат шайн цIахь дIахьош хиларе терра, Оьрсийчоьнан бахархоша сагатдо мехкан футболна. Шу дуй оцу декъах?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG