ТIекхочийла долу линкаш

ЦIеххьана кхаьчна хаам!
please wait

No media source currently available

0:00 0:00:50 0:00
Линкана тIе

Шарип Цуруев

Нохчийн мотт

Акха яр санна, и ца баьлла бацалахь,

Боьжна бац стиглара, эцна бац базарахь,

Цхьаьнггера юхалург баьккхина бацара –

Кхоьллина хилла и вайн дайшна азаллехь.

Ас лору дуьнен чохь мел долу меттанаш,

Нохчийн мотт – гуттар а сан оьзда дозалла,

Iожаллин цамгаро дIалаьцна, меттахь Iаш,

Цу маттахь дийр ду ас весет а доьзале.

Цу маттахь нанас со дуьххьара хьаьстина,

Цу маттахь некъан дош дадас а кхайкхийна.

Цу матто, – уггаре гергарчу сан сина –

Сан, генахь цхьа висча, дог-ойла айина.

Цуруев Шарип

Поэт, яздархо, журналист Цуруев Шарип вина 1963-чу шарахь Дечкен-беттан 20 дийнахь Гуьмсан кIоштарчу Лахара Гезлой-эвлахь. 1988-чу чекхъяьккхина НППУ-н филологин факултет. Белхаш бина школехь, хьехархойн институтехь, Iилманан-талламан институтехь, хьехархойн училищан директоран а, «Васт» а, «Даймохк» а газетийн коьртачу редакторан даржашкахь а, ткъа иштта «Орга» журналехь а.

Карарчу хенахь «Хьехархо» газетан коьрта редактор ву Цуруев (цуьнца цхьаьна НР-н Iилманийн академии «Таллам» журналан жоьпаллин редактор а).

Авторш

XS
SM
MD
LG