Сочехь йолчу Лазаревскера кхело Нохчийчоьнан вахархочунна Амагов Русланна 15 шо хан тоьхна луьрачу рожан набахтехь яккха. Иза бехке ву аьлла кхело сацам бина цо полисхочунна герз тохарна. 54 шо долу Амагов 2006-чу шеран чиллан-беттан 5-чу дийнахь полисхоша сацийра Сочерчу Лазареван кIоштахь. Кехаташ схьайгайта, аьлла низмахоша шега омра дича, цо шегара герз схьа а даьккхина, полисхочунна герз туьхира. Оццу дийнахь Амагов низамхоша лецира. Цо герз тоьхна полисхочунна белшан чов йинера. Таллам дIахьочу хенахь Iораделира Амагов хьалха а Сочехь герзанца динчу тIелатаршна жоьпалле оьзна хилар.
Сочехь Нохчийчоьнан вахархочунна 15 шо хан тоьхна
