Нагахь Басаргин Виктор баккъалла а шайн махкахошна накъосталла дан лууш валахь, иза дан меттиг тахана болуш бу. Масала, иттанаш нохчий бу тахана тIамах къаьхкана а, кхечу цхьацца бахьанашца а Туркойн махкахь цIабаха аьтто боцуш бисина. Тахана а новкъа бовла кийча бу и нах. Амма туркойн дозанхоша ара ца бовлуьйта уьш шайн махкахь, кехаташ а доцуш, хан яккхарна гIуда ло бохуш. Царах ю Маршо Радионе ПIераскан дийнахь телефон тоьхна йолу Зарган цIе йолу зуда. Цо шен истори иштта йийцира тхоьга.
Зарган: Тхо кху Турце догIучу хенахь цIийнда валош еанера со. ЦIа яха бух ца хиларе терра а, деккъа тхайн догIмашца тхой дисина хиларе терра тхо кхузахь севцнера. Тхан паспорташ дIадевлла а ши шо хан ю. Оха консультве чуделлера (кехаташ) паспорташ дахийта. Суна паспорт делира, сан цIийнаденна а, сан къантана а цара паспорташ ца делира. ТIаккха кхеран Iедална прописка яийта тIе дахча, паспорташ чекхдевлла ду, шуна дала йиш яц шайн, боху. Балха даха бакъо луш яц тхуна. Цхьа а агIо яц. ЦIа гIур дара тхо. Тхайна депорт йича а магийтара оха, тхо цIа гIур дара штраф ма яккха алахьара аша, аьлча, иза шайн бала бац боху цара. Аэропортехь болчерца дийца боху. Аэропорте а дахана, тхо дехьа довлийта аьлча, I8 эзар доллар ца делча тхо дехьа ца довлуьйту.
Кхеташ ду радион аьттонаш боций цу нахана ахчанца-бохчанца гIо дан. Амма и таро а йолуш, шайн махкахошна гIо дан а лууш нах бовлахь шу муха лаха деза, аьлла, хаьттира оха Заргане.
Зарган: Тхо цIа дахча кхузахь буьсуш болчу нахах къахета. Оха ма-дарра дуьйцур дац кхузахь долу хьал. Даладелла хьал дац. ЦIа дах лаар ду-кх кхин хIумма а дац. Тхо цIа дахарх ма ца тоьа... Бухубуьсуш болчу нехан меттиг йохо ца лаьа.
Ткъа муха хене бовлуш бу махках бевлла Туркойн махкахь бехаш болу вайнах? Заргана дуьйцу.
Зарган: ХIоккхара нах чIогIа халчу хьолехь а бу, во хьал долуш а бу. ХIокхера Iедало абсолютно тергал беш нах а бац. Ца боьвллачу денна шайн са дадийна баьхкина нах бу кхузахь берш. Дукха гIаддайна хене довлар ду тхан. Делахь а кхузахь, валар-висар а хилла, дакъа цIа хьучулла а, вайна цIа дахар гIоле ду, мел хIуъа дийцича а бухулахь берш вайнах бу-кх, аьлла, цIа даха девллера тхо.
Нагахь хIара гIуллакх дагах кхетна стаг валахь тхоьгахь йолуш ю цу нехан контакташ.
Зарган: Тхо кху Турце догIучу хенахь цIийнда валош еанера со. ЦIа яха бух ца хиларе терра а, деккъа тхайн догIмашца тхой дисина хиларе терра тхо кхузахь севцнера. Тхан паспорташ дIадевлла а ши шо хан ю. Оха консультве чуделлера (кехаташ) паспорташ дахийта. Суна паспорт делира, сан цIийнаденна а, сан къантана а цара паспорташ ца делира. ТIаккха кхеран Iедална прописка яийта тIе дахча, паспорташ чекхдевлла ду, шуна дала йиш яц шайн, боху. Балха даха бакъо луш яц тхуна. Цхьа а агIо яц. ЦIа гIур дара тхо. Тхайна депорт йича а магийтара оха, тхо цIа гIур дара штраф ма яккха алахьара аша, аьлча, иза шайн бала бац боху цара. Аэропортехь болчерца дийца боху. Аэропорте а дахана, тхо дехьа довлийта аьлча, I8 эзар доллар ца делча тхо дехьа ца довлуьйту.
Кхеташ ду радион аьттонаш боций цу нахана ахчанца-бохчанца гIо дан. Амма и таро а йолуш, шайн махкахошна гIо дан а лууш нах бовлахь шу муха лаха деза, аьлла, хаьттира оха Заргане.
Зарган: Тхо цIа дахча кхузахь буьсуш болчу нахах къахета. Оха ма-дарра дуьйцур дац кхузахь долу хьал. Даладелла хьал дац. ЦIа дах лаар ду-кх кхин хIумма а дац. Тхо цIа дахарх ма ца тоьа... Бухубуьсуш болчу нехан меттиг йохо ца лаьа.
Ткъа муха хене бовлуш бу махках бевлла Туркойн махкахь бехаш болу вайнах? Заргана дуьйцу.
Зарган: ХIоккхара нах чIогIа халчу хьолехь а бу, во хьал долуш а бу. ХIокхера Iедало абсолютно тергал беш нах а бац. Ца боьвллачу денна шайн са дадийна баьхкина нах бу кхузахь берш. Дукха гIаддайна хене довлар ду тхан. Делахь а кхузахь, валар-висар а хилла, дакъа цIа хьучулла а, вайна цIа дахар гIоле ду, мел хIуъа дийцича а бухулахь берш вайнах бу-кх, аьлла, цIа даха девллера тхо.
Нагахь хIара гIуллакх дагах кхетна стаг валахь тхоьгахь йолуш ю цу нехан контакташ.
