ТIекхочийла долу линкаш

ЦIеххьана кхаьчна хаам!

38 маттахь хьоьца къамелдан кийча ву Артур!


please wait

No media source currently available

0:00 0:07:15 0:00
Линкана тIе

Эскаев Артур Нохчийчохь а, дозанал арахьа а дика вевзаш жима стаг ву.

Цунна хаьа 40 гергга мотт.

Интервью ийцира Маршо Радионо Артурера.

Радио Маршо: ​7-8 шо хьалха вай тIаьххьара гина. ХIетахь хьо туркойн фирмица болх беш вара. ХЬо дуьненна дIакхайкхийнера оха а, кхечу дуьненаюккъерчу гIирсаша а. Оцу хенахь хьан сатийсамаш бара-кх меттанаш Iилманчас санна Iамо аьтто хир бу аьлла. ХIинца, муьлахачу хьолехь ду хьан гIуллакхаш?»

Эскаев: «Зорбанан цIийнехь ингалс а, туркойн а меттанаш хьоьхуш ву со. Далла бу хастам. Вуьшта, айса хьалха а Iамош хилла меттанаш Iамош ву со».

Радио Маршо: «Хьоьгара хьалха интервью оьцучу хенахь дуьйцуш дара 40 ца кхоччуш мотт хууш ву хьо аьлла. ХIинца муха хийцаделла и гIуллакх?

Эскаев: «Ас хьалха сайга хаьттича, гуттар а Iамочу меттанех 38 бу олура. Амма хьо и меттанаш буьйцучу къаьмнашна юккъе кхаьччий бен хууш а ца хиллера хьайн хаарш мел ду. Дика суна хууш берг ингалс а, туркойн а мотт бу. Оцу къаьмнашна юкъахь болх бина ас. Ткъа, вуьшта гIехьчул суна хууш 15 мотт бу».

Радио Маршо: «Хьан и похIма цхьанна а ца ийши цIахь? Балха ца хIоьттира хьо?

Эскаев: «Цхьана балха а вахана, доьзал кхобур бу-кх ахь, аьлла, Iалашо а йолуш хьо вахча, цигахь хIун хуьлу ца хаьа. ТIаккха хьуна Iаткъам хилча, хала хуьлу. Ас 4 баттахь болх бира дешаран министраллехь. Цигара дIавелира. Кхечу метте балха ваха ца ваьхьа со».

Радио Маршо: «Меттанаш хаар зен мегар дарий ac? Масала, «Суна дукха беза меттанаш, хаза меттанаш дукха бу, амма ненан маттал хаза бац цхьа а мотт» бохург гочдийр дарий ахь кхечу меттанашка?

Эскаев: «Хьожур-м ву».

(Цхьа а кечам боцуш и алам гочдира Артура китайхойн, францхойн, португалхойн, Iаьрбийн, фарси, тайхойн, индонезин меттанашка. ЛадогIа аудио версига).

Нохчийчохь хьовха, Кавказехь а хир вац Эскаев Артур санна меттанаш хууш стаг. Деладенна шен хаарш дестош, болх бо цо. Зорбанан цIийнехь ша хьоьхучу чоьнехь, мукъа хан хилча а Iа иза шеца болх беш. Йозанан уьнна тIехь а яра, со чувахча, корейхойн елахь а, я японхойн елахь а - иероглифаш.

Артур вевзачарна евза цуьнан эсала, собаре амал. Шалхенаш йоцуш, цIена адам ду иза. Меттанашца хилла а ца Iаш, оцу амалца а къаьста. Ирс яI хьан, ма cапаргIат, хьагI-гамо йоцуш адам ду-кх хьо, аьлла ойла а йолуш аравелира со Артуран кабинет чуьра.

Шуна хетарг

Гайта комментареш

Хьенан бехкенна хилла Нохчийчохь "Хьалхара тIом"?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG