Iедало цхьана а низамца а доцуш, шен карахь латториг лаххара а бIе стаг ву, церан гергарчара бакъоларъярхошка бечу леткъамашка ладоьгIча. Аьрзнаш дийраш, доккхачу декъанна, лецначийн Европехь беха доьзалхой бу.
Иштачаьрца зIе а латтош, шега далуш долу накъосталла дан гIерта арзхошна а, Соьлж-ГIалахь лецна кхобучарна а Ослохь куп йолу Human Rights Analysis Center юкъаралла.
Нохчийчуьрчу «Мемориал» араяьлча дуьйна схьа Ослорчу оцу юкъараллин коьртехь волчу Гисаев Ахьмадца къамел хилира Маршо Радион Соьлж-ГIалахь кхелхинчийн гергарчарна тIехь латточу харцонан хьокъехь.
Гисаевс дийцира шега беллачийн гергарчара довзийтинарг. Цо бечу хаамца, алссам бу Нохчийчоьнан Iедало хIуманна а бехке боцу нах лецна латтабе. Бакъоларъярхо вогу, царна гIело еш хиларх, шек ву Оьрсийчоьнан лакхара Iедал орцахдер ду харцоно хьийзочу нахана.
ХIуманна а низамо бехке лорийла а доцу нах лецна латточу юкъанна Нохчийчохь гуламаш бу дIахьош полицех а летта беллачийн ярташкахь, купашкахь. Муфтиятан а, юкъараллин а цIарх долчуха Iеламчаша а, цхьаццаболчу жигархоша а кхойкху бахорхой Iедалца летта эгначийн шайн-шайн ярташкара гергарнаш махкахбахаре.
Иштачех цхьа гулам хилла кхаарийдийнахь Пригородное юьртахь, гайтира иза мехкан телевизионашкахула а. Цхьана а Оьрсийчоьнан низамца а боцу бекхам кхайкхош бу гайтамехь Кадыров Рамзанан динан хьехамча Хитанаев Мохьмад. Ютубехь карайойла ду и телевизионан видео.
ВИДЕО:
Оьрсийн версехь йоьшийла а, ладугIийла а ду кху хьостанехь: http://www.kavkazr.com/a/svyshe-sta-rodstvennikov-uchastnikov-perestrelki-v-groznom-uderzhivayutsya/28191281.html
“Маршо Радион” доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьаяийта: 420 724 019832