ТIекхочийла долу линкаш

ЦIеххьана кхаьчна хаам!

COVID-19 вирусах 700 сов дархо велла Оьрсийчохь тIаьххарчу 24 сахьтехь


Коронавирусах белларш дIабухкуш бу Санкт-Петербургехь

Коронавирусан COVID-19 уьнах Оьрсийчохь тIаьххьарчу дийнахь-буса велла 737 пациент. Федералан оперативан штабо бина и хаам. Пандеми яьржичхьана дуьххьарлера лакхара гайтам бу хIара.

Къаьсттина дукха нах белла коронавирусах тIаьххьарчу 24 сахьтехь Москвахь а, Санкт-Петербургехь а. Амма Оьрсийчоьнан яккхийчу гIаланашкахь оцу уьнах лечийн терахь лахара ду, рекорде баларш кхечу регионашкахь нисделла ду.

Оперативан штабан зерашца, пандеми яьржичхьана COVID-19 вирус тIечIагIъярца велла лоруш ву 140 эзар стаг.

Оцу юкъанна, Росстатан статистикаца, карарчу шеран Охан-беттан юьххьехь Оьрсийчохь (аннекси йинчу ГIирмехь а цхьана) 270 сов дархо велла коронавирусан уьнах.

Росстатан зерех къаьсташ ду Оьрсийчуьрчу оперативан штабан ларарш. Коронавирус кхетта стаг кхечу бахьанашца велча, иза лоруш дац шаьш аьлла урхалло.

ТIаьххьарчу дийнахь-буса Оьрсийчохь 23 378 стаг хаавелла коронавирусан ун даьлла.

Хьажа комменташка

Коьрта теманаш

Оха хьоьхург

XS
SM
MD
LG