ТIекхочийла долу линкаш

ЦIеххьана кхаьчна хаам!

19 метр кIорга гIу чуьра ши белхахало кIелхьарваьккхина Нохчийчохь


Нохчийчоь -- Устрада-гIала.

Устрада-гIаларчу цIеяйархоша кIелхьарваьккхина ши белхало. Иза хилла Мескер-юьртана гергахь йолчу бензин а, мехкадаьтта а духкучу станцехь, хаам бо chechnyatoday.com сайто.

19 метр кIорга гIу чохь болх беш кхетамчуьра ваьлла цхьа белхахо. Изза шена хуьлуш дуй а хиина, цо гIо дехна шайн кхоалгIачу накъосте. Амма цаьршинна гIо дан гIоьртинчу кхоалгIачу белхахочуьнан корта хьийза болабелла. Делахь а цуьнан аьтто баьлла, гIу чуьра хьала а ваьлла, гIо деха.

Орцахбевллачу цIеяйархоша хьалаваьккхина гIу чуьра ши стаг, алпинистийн гIирсах пайда а оьцуш, хаам бина Нохчийчуьрча орцаллан министраллан зорбанан сервисо.

Болчу хаамца, лоьраша гIо дина бохам хиллачу шина стагана. Церан дахар кхерамехь дац.

Хьажа комменташка (1)

ХIара форум дIакъевлина ю.

Комментареш

New Comments Available

Оха хьоьхург

XS
SM
MD
LG