Дагестанера а, ГIалгIайчура а, ткъа иштта Москохан а, Ленинградан а кIоштийн а бахархошна тIедогIу рицкъ алсамдаьлла бохург бакъ дац аьлла хета эксперташна.
Цунах лаьцна дуьйцуш ду Гайдаран Институто а, Оьрсийчоьнан Халкъан бахаман а, Пачхьалкхан сервисан а Академино (РАНХиГС) а, арахьарчу йохка-эцаран Академино а йинчу мониторингехь. Цуьнах лаьцна хаам бо «Ленты.ру» сайто.
«Статистико гайтарехь, 2016-чу шарахь тIедогIучуьнан барам уггаре а алсамбаьлла ГIирмехь а (9%), Севастополехь а (4%), - аьлла ду цу талламехь. Амма адамашна догIучу алапан барам лахбалар бахьана долуш, лахделла наха ахча дайар а.
Эксперташ дийцарехь, уггаре а лахара гайтамаш бу цу агIор Генарчу Малхбалехь а, Къилбаседа Кавказехь а.
РАНХиГС-о бинчу талламан жамIашца, Оьрсийчохь бехачу 40 процент бахархошна алапа ца тоьу кхача эцан бен.
