ТIекхочийла долу линкаш

ЦIеххьана кхаьчна хаам!

"Хуур дар-кха Макитов Хьусай оьрси хиллехь…"


Садовская Алена

ФСБ-н белхахоша ГIебарта-Балкхаройчуьра вахархо вер ца хьехадо федералан хаамийн гIирсаша

Зазадоккху-беттан 6-чу буса стаг вийна ГIебарта-Балкхаройчохь – бехначу ницкъхоша, саца а вина, довдаьккхина шина вхархочуьнца, леташ, урс диттина, вийна цхьаъ.

Бохамах лаьцна алссам даржийна социалан машанаша а, Кавказан тематика тергонехь кхобучу цхьаболчу хаамийн гIирсаша а ("Кавказ.Реалии" а ю церан декъахь). Амма федералан сайташа а, телевизионаша а, оппозицехь ларалучу либералаша а хьахоза битина хилам.

Хиллачух лаьцна федералан эфирехь дуьххьара дийцинарг вара журналист Орхан Жемал – "Эхо Москвы" радион "Ша-тайпа кхетам" ("Особое мнение") программехь. Стаг вийна 4 де даьлча дара цо шена хIинцца хезначух лаьцна дийцича.

Элбрусан когашкарчу Азау юьртахь, кафе чохь, молуш-къоьруш, персонал а хьийзийна, арабевллачу ФСБ-н ницкъхошна тIеIоттавелла оцу юьрта, цигахь бен ян а йоцчу банкоматехула ахча схьаэца веана хилла ши кIант – Макитов Хьусай а, цуьнан накъост Алим а.

ФСБ-хоша шаьш Чегет юьрта дIадига аьлла Хьусайга а, Алиме а, дийцира Жемала. Кегийрхоша, шаьш таксисташ дац, аьлча, царна кочаэха буьйлабелла вуьйш. Цхьаъ урс а эцна, тIоволавелла Алимна, урс Iоьттина. КIант хьалхара ведда, гIо а доьхуш. Оцу юкъанна, видеокамерашна гуччехь, некъаца лаьттачу машенийн социйлехь, ФСБ-хоша урс диттина вийна Хьусай.

Цул тIаьхьа, кхечу стаге, иза кхера а вина, Жемала дийцарехь, шаьш боххуче дIадигийтина "заманан долахоша".

ФСБ-хоша садоIуче еъна полици. Амма санаторин да Бапинаев Рамазан туьгуш ца хилла куьгбехкенаш полицин карабала. Жемала дийцарехь, ФСБ-н белхахошна тIекхача полицина аьтто бина меттигерчу къаноша. Иштта лецна ФСБ-хой.

"Суна хетарехь, юкъаралло тидаме эца деза хилларг. ФСБ жоьлкийн структура хилла яьлла. Тегенекли юьртахь лаьтта цуьнан санатори Волоколамск-кIоштахь яржийначу дIаьвше нехел а кхераме ю", - элира "Эха Москвы" радион эфирехь журналисто.

" ФСБ-н белхахоша, уьрсаш хьоькхуш, нах бойъуш хилча, хьал тидаме эца декхаре ду вай. Бехкенаш жоьпе озорал а совнах, цигарчу санаторех терра болу ФСБ-н дIаьвше бенаш адамашна гергахь кхоллийта а ца беза", - бохура Жемал Орхана.

"Хьал оха а латтор ду тергонехь ", - жоп делира цунна радиоэфир дIахьочу Соломин Алексейс.

Делахь а, бац оцу бохамах лаьцна цхьа а хаам "Эхо Москвы" радион сайтан агIонтIехь. Цу тIе, ала догIу, Орхана къамелдинчу шолгIачу дийнахь, Заздоккху-беттан 13-чохь, Нальчикехь гулам хилира буьйцучу бохамца доьзна – иза а бисира тидаме эцанза.

Ца бина хиллачух лаьцна хаам "Медуза" газетан сайто, ткъа "Новая газета" а, "Дождь" телегойтила а IадIийна Макитов Хьусай вийначу дийнахь хиламах лаьцна Зазадоккху-беттан 7-чохь боцца хаам а бина.

Оццу дийнахь изза хаам баржийра Ходорковский Михаилан "МБХ Медиа" хьостано. Навальный Алексейс хьаххане а ца хьахийра хилларг ша оцу кIиранах арахецначу хаамийн программехь. Макитов вер тергамза дитира Собчак Ксенияс а.

Стенна ду иза иштта? Федералан зорба, политикаш кхору Кавказехь хилларг хьахо? Я хьашт дац царна цигара хиламаш бийца?

Элбрусна гергахь хиллачух лаьцна хIинца а дац дерриг а ма-дарра девзаш: ницкъхоша ца баржабо хаам, гергарнаш тийна Iа, бохам хиллачу шиннах дийна висинарг а вац журналисташна тIекхочехь. Цхьа а вац бакъдерг ахка араваьлла.

Вийначу Макитовн меттехь оьрси хиллехь? Муха хьаьвзар бара хаамийн гIирсаш? Урс хьаькхна, ФСБ-н белхахоша вийнарг Калугера я Тюменера бехкевоцург нисвеллехь?

Къоман битамаш орцане ийзор нийса дац, оцу битамех лаьцна дуьйцуш а ца хилча-м муххале а (ала дашна, Жемала бахарехь, Уфара бу буьйцу ФСБ-хой). Ницкъхоша лелочу харцонна буханисвала тарло муьлххачу а къоман векал.

Хиллачо цхьана могIара боху массо а къаьмнийн бахархой, декхаребо цхьаьнакхета – хуьлда уьш Кавказера, Идална гонахара, Юккъерчу Оьрсийчуьра, Сибрехара. "Федералан кхерамзаллин урхалло" динарг – ша и урхалла ерриг а пачхьалкхан дакъа хиларе терра – доьрзу массо а халкъан гIайгIане.

Шуна хетарг

Гайта комментареш

Мила тоьлур ву аьлла хета шуна Мейвезер Флойд Нурмагомедов Хьабибах латахь?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG