Ницкъаш Iамо лерина Гуьмсехь ян йолийна дуьненаюкъара Iаморан центр Iалвиев Мовсадин чоьтах еш ю, ткъа иза Кадыров Ахьмадан фондаца болхбеш ву, хааме доккху “Дождь” телегойтийло. И центр тIехь ен латта а ду Алвиевн доларчу “Мастер” фирман. И фирма ю “Грозный-сити” компанехула Кадыровца уьйр йолуш. 2007-чу шарахь Кадыровн фондо кхоьллира “Лидер-авто” компани, ткъа 2014-чу шарахь оцу фирман 40 процент Алвиевн дола елира.
Republic зорбано хаамбарехь, “Альфан” ветеран Чудан Алексей а ву и центр ечу долахойн декъехь. Иза а ву “Мастер” центран долахо а, Кадыров Рамзанца уьйрашкахь.
Центр йина яла езаш ю 2018-чу шарахь. Иза хьалаеш ю 400 гектар латта тIехь.
