Социалан машанашкахь йаьржинчу видео бахьанехь таллам болабе аьлла тIедиллина Нохчийчоьнан прокуроро Адаев Арслана. Цу тIехь жима бер гойту, карахь герз долуш урамехула лелаш.
"Карарчу хенахь билгалдоккхуш ду, и хилла меттиг а, кхиазхочун цIе, цуьнан Iуналла деш болчу нехан цIерш а. Низам хедор гучудалахь, низамо бохучу кепехь реакци йийр йу", - аьлла дийцина республикан прокуратуро арахецначу хаммехь.
Ша видео бархI секундехь йу, цу тIерачу беран кхаа шарал кхин сов хир дац - урамехь лаьтта иза багахь тIармаIа йолуш, карахь автомат йолуш. Видео мичахь йаьккхина йу, цуьнга герз муха кхаьчна, хууш дац.
- 2019 шарахь Нохчийчухула йолчу МВД-но таллам болийра Къилбаседа ХIирийчуьра йахархочо Джикаева М. герз кхуьйсуш гойтуш йолу видеона тIехула, хетарехь, Нохчийчохь йаьккхина хиллера иза. ЙоIана тIехь хиджаб а, полисхон духар а ду гуш.
- Ставрополан махкарчу Изобильный гIалахь рогIерчу конфликтехь "оьккхуйтург" лелийна бохура цхьамма, тIаккха пхи стаг дарбан цIийне вигира. Талламан комитето бехктакхаман гIуллакх долийра, шинна а, кхин а сов наханна тIелатар дарна тIехула.
- Краснодаран гIалин Фестивалан микрорайонерчу гIишло чохь граната эккхарх комментареш ца йира меттигерчу полицино. Чиллан-баттахь 34 шо долу меттигерчу вехна хиллачу вахархочо граната эккхийтинера - иза йеана хиллера цо шо долалуш Украинерчу тIамера - цига лаамхочун кепехь ваханера иза.
- "Верстка" хьостано теллина Оьрсийчоьнан гарнизонан кхелийн статистика дескен-беттан чакхенгара - билгаладаьлла, эскархоша фронтера низамехь а доцуш герзаш дарна тIехула бехктакхаман гIуллакхаш совделла хилар.
