ТIекхочийла долу линкаш

ЦIеххьана кхаьчна хаам!

МухIажираш саготта бу Парижерчу талоро шайн дахар вочу агIор хийца мег аьлла


Швеци -- Машаран акце арабевлла бу нохчий СтокхIолмехь, (ДIахьедар доьшург ву журналист Тарамов Майрбек) 2014 шо.

Парижехь терроран тIелатарш динчул тIаьхьа Малхбузерчу пачхьалкхашкахь беха мухIажираш, шайна юкъахь нохчий а болуш, саготта бу, цунах шайна зулам дала мега бохуш. Швецехь вехачу нохчийн журналистаца Тарамов Майрбекаца къамел дира Маршо Радионо цу хьокъехь.

please wait

No media source currently available

0:00 0:04:28 0:00
Линкана тIе

Нохчийн вевзаш волу журналист Тарамов Майрбек Швецехь веха 10 сов шо ду. Цуьнан аьтто хилла тидам бан цу махка тховкIело йоьхуш баькинчу вайнехан дахарна. Хийца-м ца делла шоьга Iедалш а, могIарера бахархой а хьежар Парижехь бусулба нах бу бохучу зуламхоша терроран тIелатарш динчул тIаьхьа аьлла шега хаьттича, Тарамов Майрбека элира цкъачунна хIумма а хийцаделла цаго шена аьлла.

Арара хьаьжца сурт кхоллало Малхбузерчу Европехь дIатарбелла нохчий, шайна Iедало чохь Iан хIусам а, хенах довла кепек елча тоам беш бехаш бу олий. Муха ду ма-дарра долу сурт, масала, Швецехь?Муха беха цигара нохчий аьлла хаттар делча, хIоьттинарг тайп-тайпана сурт ду бохура Тарамовс.

Швецин Iедалша хьалха санна тIоьцуш бац шайн махка тховкъело йоьхуш баьхкина нах. Шена масийтта доьзал бевза дуккха а шерашкахь Швецехь бехаш белахь а, цигахь баха бакъо луш долуш кехаташ доцуш бохуш дийцира Тарамовс.

Махкал арахьа беха нохчий бIаьрг баьтташ хуьлу олуш ду-кх дукъа адамашна юкъахь вайн къомах верг тидаме оьцуш. Иза бакъ ду бохура Тарамов Майрбека, дукхачу хьолахь вовше бевза нохчашна элира цо.

Уьш къаьсташ а хуьлу кхечу нахах, делахь а хан-зама яьлча мелла а Швецин юкъараллах дIауьш меттигаш йогIу вайнехан бохуш вара цу махкахь веха нохчийн журналист Тарамов Майрбек.

Хьажа комменташка (1)

ХIара форум дIакъевлина ю.
XS
SM
MD
LG