COVID-19 вирусах тIаьххьарчу дийнахь-буса кхелхина Нохчийчохь ворхI пациент. Махкарчу Роспотребнадзоран урхаллан пресс-гIуллакххоша бина и хаам, яздо Чечня Сегодня агенталло.
Динчу зерашца, карарчу шеран Марсхьокху-беттан 12-чу дийнахь ерриг а йинарг ю 1263867 тест, тIаьххьарчу 24 сахьтехь тестех чекхваьккхина 3454 стаг.
17509 стеган тест позитиве гайтина йоллу пандемин хеначохь, ткъа тIаьххьарчу дийнахь-буса 145 стаг къаьстина уьнца.
Дарба а хилла. Лоьрийн тергонера ваьккхина 13700 вахархо. Пандеми йолаелчхьана махкахь кхелхина уьнах 385 стаг. COVID-19 вирусца ву 3424 дархо.
- COVID-19 вирусна дуьхьал махкара массо а баккхийчара вакцина яйта еза, 60 процентна тIехь совцийла дац аьлла, дIахьедина Нохчийчоьнан куьйгалхочо Кадыров Рамзана. Вирусах бахархой кIелхьарабаха цхьаъ бен боцу некъ бу иза, аьлла цо, яздора Новости агенталло.
- Мангал-бутт юккъе баьллачу хенахь, нагахь санна бахархоша прививкаш ца яйтахь, шога дозанаш деттар ду" аьлла, кхерамаш тесира Кадыровс. Соьлжа-ГIалин мэро Кадыров Хас-Мохьмада полицина а, динан урхаллина а тIедиллира, вакцинаци ян езаш хиларх бахархой кхетош, болх болабе аьлла.
- Вакцинаци ярх карах тоьшалла доцуш, ярташка а ца дуьту шаьш, бохуш денна хаамаш бо Нохчийчуьрчу бахархоша. Шайн латкъамаш баржабо цара суьрташца а, видеошца а. Машенлелорхошка сертификаташ хоьтту бохург бакъ ца до республикеру некъан полицин урхалло.
