ТIекхочийла долу линкаш

ЦIеххьана кхаьчна хаам!

Нохчийн тIемалошкара тIеман декъашхойн статус дIаяккха гIерта Украинин кхерамазаллин сервис


Шайх Мансуран цIарахчу нохчийн батальонан тIемалоша дIахьедина, шаьш тIемашкахь дакъалаьцна хилар шеконе дилла гIерташ ю Украинин леррина сервисаш аьлла. Цуьнах лаьцна яздо Кавказ.Реалиино, батальонан командирна ЧIеберлойн Муслимна тIе а тевжаш.

Цо дийцарехь, украинахойн лерринчу сервсисийн векалша рогIера таллам болийна царна дуьхьал, тIеман декъашхойн статус юхаяккха бахьанаш лохуш.

Иштта, Украинин кхерамазаллин сервиса тоьшалла дайта тIекхуьйкхуш бу нохчийн батальонан базина лулахь туп тоьхна хиллачу Украинин тIеман ницкъийн дакъойн эскархой.

"ТIемаш беш тхоьца хиллачу тхан накъосташка деш долу дерриг а хаттарш шайн чулацамехь Iалашо йолуш ду, хьалха цара динчу тоьшаллашца церан жоьпаш догIуш ду-дац къастор. Билггала, тхан "лулахоша" дина тоьшаллаш бухехь дара тхуна тIеман хиламашкахь дакъалацархойн статус луш", - билгалдаьккхина Шайх Мансуран цIарахчу батальонан командира.

  • Стигалкъекъа-беттан (май) 14-хь Украинин президента Зеленский Владимира тIе куьг таIийра, Кавказера схьаваьллачу 700 стагана дуьхьал санкцеш кхайкхорца доьзначу указана. Царна юкъахь ву нохчийн шайн лаамечеран батальонан хилла а, хIинца волу а 4 тIемало. Указехь билгалдаьккхина ду оцу тептарна тIехь болу нах махкахбаха безаш хилар.
  • Хьалхо Украинин къоман кхерамазаллин Кхеташоно леррина санкцеш кхайкхийра нохчийн батальонан командирна Чеберлойн Муслимна а, кхин а масех тIемлочунна а дуьхьал. Батальоно тIом бина Оьрсийчоьнехьа болчу ницкъашна - "ДНР" а, "ЛНР" а олучу тобанашкара сепаратисташна дуьхьал.
  • Шайхан Мансуран цIарахчу батальонна гIортор йина АТО-хь (антитерроран операцехь) дакъалоцуш тIом бинчу шайн лаамечерах лаьттачу тIеман дакъойн куьйгалхоша а, ткъа иштта цхьаболчу политикаша а, юкъараллин жигархоша а. 50-а гергга юкъараллин вовшахтохаралло кхайкхам бина президентан Офисе, санкцеш кхайкхийначу нахана юкъара нохчийн тIемалой дIабаха аьлла. Ткъа "Правый секторан" векалша дIахьедина, нагахь нохчийн тIемалошна депортаци ян гIортахь, шаьш цунна, герз а карахь, дуьхьало йийр ю аьлла.

Коьрта теманаш

Оха хьоьхург

XS
SM
MD
LG