ТIекхочийла долу линкаш

Оьрсичоьнан арме хьажийна 500 нохчийн кегийрхо


Нохчийчоь -- Нохчийн кегийрхой Оьрсийчоьнан арме дIахьажочу церемонехь дакъалоцуш ву Кадыров Рамзан, Лахьан-бутт 17, 2014

Нохчийчохь дIайоьрзуш ю кегийрхой Оьрсийчоьнан арме бигаран компани. Нохчийчура тIеман комиссариатан векалша дийцарехь, КIилба ТIеман гонехь долчу эскаран дакъошка хьажийна 500 жима стаг.

Болчу хаамашца, цара гIуллакх дийр ду Майкопехь а, Буру-гIалахь а, Волгоградехь а, Севастополехь а, ткъа иштта ГIирмехь кхечу меттигашкахь а дIатардинчу Оьрсийчоьнан армин дакъошкахь.

1992-чу шарахь дуьйна 2013-гIа шо тIекхаччалц Нохчийчура кегийрхой буьгуш бацара Оьрсийчоьнан арме. 2001-чу шарахь зер хилира, нохчийн къомах волу 70 кегийрхо Оьрсийчоьнан эскаре а кхайкхина.

Республикарчу тIеман комиссариато уьш дIахьовсийра Москох тIеман гонехь йолчу мотогIашсалтийн бригаде спортан роте. Амма масийтта бутт балале уьш берш юхаберзийра Нохчийчу. Цуьнан бахьана дара эпсаршца а, кхечу къомах болчу салташца а церан девнаш дийлар.

Кхин а 6 шо даьлча, 2007-чу шарахь хаамаш баьржира нохчийн кегийрхой юха а арме буьгуш бу республикел арахьа долчу тIеман дакъошка аьлла. И бахьана долуш Соьлж-ГIалахь хилира масийтта дуьхьалонан акци.

Кху деношкахь шайн бераш, Нохчийчура ара а даьхна, арме дуьгуш хиларна дуьхьала акце араваьлла стаг гина вац цхьанне а. Делахь а кхеташ дац муха хьожу цу гIуллакхе Нохчийчура бахархой. Кхеташ дац хийца елла цера ойла кху тIаьхьарчу 10 шарахь, я уьш хIинца а саготта бу шайн кIентий шишша-кхоккха стаг Оьрсийчурча тIеман дакъошка дIахьежош хиларна.

Нохчийчура арахь долчу тIеман дакъошкахь гIуллакх деш болу нохчийн кегийрхой муьлхачу хьолехь бу гойтуш ю, масала, хIара YouTube-хь хьажа аьтто болу видео.

Амма даиман а ца хуьлу иштта. Кху деношкахь социалан машанашкахула лелаш яра шина нохчийн салтичо шаьшшиъ эпсарша хьийзаво бохуш Кадыров Рамзане гIо доьхуш яьккхина яьккхина видео.

Хьомсара “Маршо Радион”доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьатаса: 420 724 019832

XS
SM
MD
LG