Нохчийн диаспорин векалш кхайкхинера Венерчу ратуше

Уггар яккхийчарах нохчийн диаспора еха Австрехь. Цуьнан векалш Оршот-дийнахь Венерчу ратуше (цигахь болх беш ю парламент) кхайкхинера цу мехкан парламентан харжамашкахь дакъалоцуш волчу Вена-гIалин кхеташонан декъашхочо ал-Рави Омара. Нагахь ша парламенте харжахь иза дагахь ву Австрин низамаш дохучу органехь цу пачхьахкарчу нохчийн хьашташ кхочуш деш волу векал хила.