Дешаран шо герга кхочучу юкъанна коронавирусах берашна вакцинаци ярх дуьйцучу Оьрсийчохь берийн бакъонаш ларъян векал йинчу Кузнецова Аннас дIахьедина, бертаза берашна прививкаш ярна ша дуьхьал ю аьлла. Новости агенталло яздо цунах лаьцна.
"Уггар хьалха суна ала лаьа нийса а, хадам боцуш а: шеко йоццуш, тхо дуьхьал ду муьлххачу а лаамехь йоцчу вакцинацина, дешархошна аьлла ца Iаш, кхиазхошна а, муьлххачу хенара болчарна иза еш елахь а. Цхьа а тайпа бертаза вакцинаци йойла дац, уьш тешорца, цаьрца къамел а деш, хIуьттучу хеттаршна жоьпаш а луш хила деза, нагахь санна, оьшуш делахь", - аьлла журналисташка Кузнецовас.
Цо бахарехь, COVID-19 вирусна дуьхьал мехий деттийтитина боцучарна "цхьана а кепара санкцеш" етта оьшуш дац.
"Массо а деша дIабуьйлалур бу, чIогIа коьрта ду, дешархой школе дIабахар, дистанцин дешарна тIе а ца бохуш. Школехь дешийта деза берашка, царна оьшуш мел долу хьелаш хIиттон деза, оцу Iалашоне гIорта а деза вай", - аьлла омбудсмено.
- Оппозицин IADAT телеграм-канало чIагIдо, Нохчийчохь прививкаш яйтина боцчу нахера машенаш схьаяха тарло, ткъа пачхьакхан белхахошна тIедиллина вакцинаци яйта шайгара нах тIебалор, бохуш.
- "Кавказский узел" интернет-гIирсо хаам бира, дас-нанас прививкаш яйтина аьлла, тоьшаллин кехат да аьлла, дешархошна тIедожорах.
- Нохчийн пачхьалкхан университетан хьехархочо дийцина ресурсна, балхара дIавоккхур ву аьлла, кхерам тесча декхаре хилира ша вакцина тохийта аьлла.
- Вакцинаци яйта резабоцчарна лоьрашкара гIо тIаьххьарчу рогIехь бен кхачо ца деза, "кислород ца тоар мел хала хIума ду царна дIахаийтархьама аьлла, Кадыровс Стигалкъекъа-беттан 26-чохь дIахьединчул тIаьхьа хийцаделира Нохчийчохь прививкаш ярца долу хьал.
