ТIекхочийла долу линкаш

ЦIеххьана кхаьчна хаам!

Оьрсийчоьнан дехарца нохчо лаьцна Германихь


Гайтаман сурт

Оьрсийчоьнан дехарца Интерполехула лехамашка велла хилла цхьахйолчу Евробертан пачхьалкхан вахархо волу нохчо лаьцна Германихь.

Бакъоларъяран «Вайфонд» ассоциацино дIахьедина, лаьцначун гIуллакх девзаш ду шаьш, цунна дохку бехкаш политикан бух болуш а ду аьлла. Цундела, чIагIдо бакъоларъярхоша, Интерполо шайн регламент йохийна, цуьнан хьокъехь "цIен дIахаийтар" ара а хецна, аьлча а, цкъа хьалха иза лацарца.

Ассоциацино боху, нагахь санна, Германино иза дIалуш сацам бахь, пачхьалкхо йохош ю цхьа могIа дуьненаюкъара адам Iалашдаран бакъонаш, оцу стагана билггал Iазап а, стеган сий дойу харцонаш а тIехь лелор ю ала меттиг белахь, Евросоюзан Хартино дIахIоттийна иза дIавалар дехкар а цхьаьна тIехтосу.

  • Товбеца-баттахь Оьрсийчоьнан дехарца Интерполон системехула лецира Нохчийчуьра мухIажар. ТIаьхьо Вайфонд ассоциацин аьтто белира дуьненаюкъарчу лехамашкара иза дIаваккха.
  • Иштта Оьрсийчоьно Интерполехула дIавоьхуш хилла нохчийн мухIажар лецира Эстонихь. ТIаьхьо лаьцначуьра дIахийцира иза а.
  • Хьалхо дийца даьккхира, гIаттамхошлахь хилла ву аьлла, Оьрсийчоьно бехкевина, Евробертахь а, Британихь а мухIажарийн статусаш йолу Дагестанера вахархо а, Нохчийчуьра ши вахархо а Интерполон комиссино дуьненаюкъарчу лехамашкара дIаваьккхина хиларх.
  • Украинехь тIом болабелчхьана кест-кеста нисло тховкIело ца йелла, йа Европан мехкашкара нохчашна депортаци йина меттигаш. Доккхачу декъанна, Къилбаседа Кавказера схьабевллачу Оьрсийчоьнан бахархоша сих-сиха латкъамаш бо, динан а, къоман а билгалонашца дискриминаци лелайо шайца Румынин миграцин хьукматаша бохуш. Бакъоларъярхойн хаамашца, къаьсттина хьакхаделла и нохчех: уьш лаца мега, йа царна депортаци ян тарло Румыних чекхбовлучу хенахь, ур-атталла, официалехь къайлахчу сервисийн лехамашкахь уьш бацахь а.
  • 36 шо долу Нохчийчуьра Гериханова Амина лецира Зазадокху-беттан 13-чохь шен жимачу бераца Румыница долчу дозанехь Украинера араяла гIертачу хенахь. Оьрсийчоьнан дехарца Интерполон лехамашка еллера иза – мухIажар бехкейо Шеман дозана тIехь боьлхучу тIемашкахь дакъалацарна. Пхи шо гергга хьалха Нохчийчуьра дIаяхара Гериханова, цул тIаьхьа Киевехь ехира иза. Румынехь иза дIалецира, цуьнан кIант берийн цIийне хьажийра – тIаьхьо цуьнан гергарчу стага дIавигира иза цигара.
  • Нохчо Ш.Артур Оьрсийчоьне дIавала кечвеш ву Швецино - мухIажаран статус цунна яла дуьхьало йира Швецин миграцин Iедалша. «Вайфонд» ассоциацихь дийцира Кавказ.Реалиина, Нохчийчохь Ш.Артурна тIехь гIело латтийна аьлла.

Коьрта теманаш

Оха хьоьхург

XS
SM
MD
LG