ТIекхочийла долу линкаш

Оьрсийн маттахь
Маршо Радион ерриг сайташ
ОЬРС
site logo site logo
Хьалхара РогIера
ЦIеххьана кхаьчна хаам!
Мултимедиа

Кофе, базараш, пхьолаш. ГIирман гIезалойн махках бахале хилла Iер-дахар (фотогалерей)

1920-чу шеран чакхенехь ГIирмехь дIахIоттийначу Советан Iедало ГIирман гIезалойн политикан боламаш шога хIаллакбинехь а, къоман синбахамаллина зен хилла дац. Цул совнах, ХХ-чу бIешерашкахь ГIирман гIезалойн юкъараллехь заза хецна боца цхьа мур беара, доккхачу декъана, 1921-1923-чу а шерашкахь репрессеш а, мацалла а хьегначу нахалахь.

ХIетахь ГIирмехь гIезалой оьрсел а кIезиг хиллехь а, хIетте а ахгIайре дIалаьцна 21 процент бахархой бара царах. ГIирман АССР-н пачхьалкхан меттанаш дара оьрсийн а, гIезалойн а. Республикехь лаккхара даржаш дIалецна а бара гIезалой.

Жигара толлуш хьалхатоьттура церан археологи а, этнографи а. Арахоьцура Iилманан белхаш а, советан идеологех юьзна, амма коьрта тоьшаллаш шеца долу материалийн гуларш а.

30-чу шерашкахь советан Iедало къийсам болийра къоман элитаца, гIирмахой-гIезалой интеллигенци йоцуш а буьтуш.

1944-чу шарахь депортаци хилира, ткъа 50-чу шерийн юьххьехь ГIирман историн керла концепци юкъаяьккхира, хьалха дуьйна даьхначу къомах хьахош хIума а доцуш.

Цундела бIешераш дуьйлалуш дина йозанаш а, суьрташ а доккха маьIна шайца долуш ду ГIирман гIезалойн историна.

"Крым.Реалии" порталан суьрташкахь довза таро ю, ГIирман гIезалойн Iер-дахаран хьелаш.
Къоман духаршца болу мехкарий. Бахчисарай, 1920-гIа шераш. Юткъа кIажарш еш хилла ГIирмерчу гIезалоша-мехкарша. Дешица я детица егна бархатан куйнаш тохкуш хилла цара, наггахь кегийчу ахчанца кеч а деш.  
1 Къоман духаршца болу мехкарий. Бахчисарай, 1920-гIа шераш.

Юткъа кIажарш еш хилла ГIирмерчу гIезалоша-мехкарша. Дешица я детица егна бархатан куйнаш тохкуш хилла цара, наггахь кегийчу ахчанца кеч а деш.

 
ЦIокарчашна дабагIа ден пхьар. Бахчисарай, 1920-гIа шераш. Юьртбахамаллехь даьхнийлелор - бухбиллар лоруш хилла гIезалоша. Жижиг а, шура а, тIаргIа а боцург а, даьхнийн цIоканех а пайда болуш хилла. 20-чу шерашкахь Бахчисарайхь а, Карасубазарехь а 40 гергга цIоканех дабагIа ден пхьераш хилла.   
2 ЦIокарчашна дабагIа ден пхьар. Бахчисарай, 1920-гIа шераш.

Юьртбахамаллехь даьхнийлелор - бухбиллар лоруш хилла гIезалоша. Жижиг а, шура а, тIаргIа а боцург а, даьхнийн цIоканех а пайда болуш хилла. 20-чу шерашкахь Бахчисарайхь а, Карасубазарехь а 40 гергга цIоканех дабагIа ден пхьераш хилла. 

 
Кхоьш юхку къано. Бахчисарай, 1920-гIа шераш. ГIирман массо а кIошташкахь пхьор деш хилла кхоьшца. Жижиган чорпа йора баьццара кхоьн чкъоьргаш а, муьста шура а тухуш. Иштта чорпа кечйора кхоьнех гарзанаш а тухий.  
3 Кхоьш юхку къано. Бахчисарай, 1920-гIа шераш.

ГIирман массо а кIошташкахь пхьор деш хилла кхоьшца. Жижиган чорпа йора баьццара кхоьн чкъоьргаш а, муьста шура а тухуш. Иштта чорпа кечйора кхоьнех гарзанаш а тухий.

 
Билзиг хьовзош зуда, 1920-гIа шераш. ГIирмехь къаьсттина лелош дара "атма" олу дайн кIади. Бамбех а, ормех а (лен) деш хилла цара. Куьйга бен болх бара иза. ХIора гIирмахойн-гIезалойн доьзалехь хилла кху тайпана урчакхаш. КIадех бедар а, юргIанаш а, гатанаш а дора. Урчакх хьовзор зударийн болх хиллехь а, дуккха а божарша-пхьараша а дора кIадеш.  
4 Билзиг хьовзош зуда, 1920-гIа шераш.

ГIирмехь къаьсттина лелош дара "атма" олу дайн кIади. Бамбех а, ормех а (лен) деш хилла цара. Куьйга бен болх бара иза. ХIора гIирмахойн-гIезалойн доьзалехь хилла кху тайпана урчакхаш. КIадех бедар а, юргIанаш а, гатанаш а дора. Урчакх хьовзор зударийн болх хиллехь а, дуккха а божарша-пхьараша а дора кIадеш.

 

Хьажа кхин дIа а

“Маршо Радион” доттагIий, шун аьтто бу тхан Facebook-ерчу аккаунтах пайда а оьцуш, тхан дискуссехь дакъалаца. Шун комменташна модераци ян эшарна, уьш сайтехь жимма тIаьхьо гучуевр ю. Нагахь санна тхоьга яийта шайн видео а, аудио а материалаш елахь, шун аьтто бу иза кху телефонца WhatsApp-e я Viber-e схьаяийта: 420 724 019832

Оха хьоьхург

​
XS
SM
MD
LG