ТIекхочийла долу линкаш

ЦIеххьана кхаьчна хаам!

«Со ца йогу сайн пачхьалкхах Путин волуш президент»


Ибахиева Хедас яьккхина Путинах тоьлла байт язйинчунна Кадыровс кхайкхийна IPhone X.

Хамзаев Анзор

Мила ю смартфон яьккхина йоI?

Оьрсийчоьнан зорбанан гIирсаша шайн сайташ тIехь «Политика» цIе йолчу декъе хIоттийна 3-чу классерчу Ибахиева Хедас керла айфон яккхарх шаьш бина хаам.

Кадыровца йоьзна и рогIера пассаж дукхахболучарна хууш а, хезна а ю. Массех де хьалха йохка йолийна IPhone X а йохьуш, мехкан куьйгалхо волчу еара нохчийн КВН-хойн (Оьрсийчохь забаршца къовсалучу телевизионан шоу-тобанех цхьаъ).

Шена деана совгIат кара а эцна, цо элира: «Тахана Оьрсийчоьнан Цхьааллин Де ду, вай президентах Путинах лаьцна тоьлла байт яьккхинчунна лур ю вай хIара. Реза дуй шу?»

Реза хилира, кхеташ ду, КВН-хой. Уьш шаьш хIиттира смартфон езачара Путинна яьхна байташ зен а, толамча къастош болхбан а.

Эзарнашкахь дахкийтина Путин хеставеш могIанаш, видеош, аьзнаш. Царалахь ву дуьненна а вевза охьатохархлатархо Емельяненко Александр а тIехь. Амма толам кхачийна 3-чу классехь доьшучу теркахочунна Ибахиева Хедина.

…Юьхьанца йоьIан оьрсийн маттера байт а, цуьнан Маршо Радионо дина гочдар а.

Путин -Наш президент (Путин - вайн президент)

Мне не стыдно за свою страну,

Со ца йогу сайн пачхьалкхах,

И за то, что президент наш Путин.

Путин волуш вайн президент.

С ясным взглядом,

ЦIена бIаьрса догуш,

С молитвой к Богу подошел

Далла тIе веара иза доIанца.

«Иди вперед, я буду рядом!»,

«Хьалхавала, со ву уллохь»

- Сказал Господь, и он пошел.

– Аьлча Дала, и вахара.

Он попросил у Бога силы,

Бийхира цо Деле ницкъ,

Без шума, пыли, болтовни

ГIар-тата, чIеIар доцуш,

Взвалил убитую Россию

Йоьжна Iуьллу Оьрсийчоь

На плечи хрупкие свои

ГIийлачу белшаш тIе язйина.

Так Мать-Россия возрождалась

Оьрсийчоь-Нана иштта гIаьтти,

И становилась все сильней.

Дебош ницкъ шен, чIагIлуш.

Но завопила, завизжала

Амма цIогIа деттащ, лиэта

Вся сворÁ западных «друзей».

ХIиттина малхбалера «хьеший»- жIалеш.

Скрипит Америка зубами,

Цергаш хьекхош ю Iамерка,

Да им, убогим, не понять,

Кхетар бац и мисканаш,

Что никогда вот этот парень

Цкъа а оцу къонахчо

Не посрамит Россию-Мать.

Юхкур яцарх Оьрсийчоь.

И возвышается над Миром

Дуьненан коьртехь и гуш ву

С улыбкой светлой и простой

Тамехь къежна, ийна

Непобедимый Князь Владимир,

Оьшур воцу Эла Владимир,

Достойный сын Руси светЛой.

Езачу Русан тоьлла воI.

Яц Хеда Бена-Юьртарчу школера

Тоьлла байт язъярна гоьяккхина Ибахиева Хеда Теркйистерчу Бена-Юьртарчу №7 школехь доьшуш ю, боху Кадыровс йоI язъеш Instagram-ехь дитинчу йозано.

Амма яц йоI оцу школехь цкъа а дешна а, шен дайн юьртахь яьхна а. Доьзал Ставропол махкахь Iийна юьхьанца, Соьлж-ГIала дIакхелхина, хIинца цигахь беха. Нанас, ша педагог хиларе терра, дика Iамийна, массех мотт хууш, хьекъалe йоI ю Хеда. Иштта элира Маршо Радиога уллера доьзал бевзачу, амма шен цIеяккха тхо ца хIуьттучу бена-юьртахочо.

Байтан автор цхьа Хеда йоцийла го

Байтан, лаххара а, ши дош Хедина девзаш доцийла хаало: оьрсийн «свÓра» («жIалийн го») харц, шолгIачу декъанна тохар а деш, ( «сворÁ») доьшу йоIа; гIалатъяьлла байтан тIаьххьарчу дашехь а – «святой» («Еза-Йоккха») доьшу йоIа «светЛой» олий, харц мукъа аз шеггара тIе а тухуш, шолгIа дакъа чIагI а деш. Бакъду, и дош а видеохь цхьаболучу хаамийн гIирсаша дIахадийна, Хедин байт шаръеш.

Ткъа НТВ-но шен сайте видео хIоттош, политикан кхетам буха а биллина, дIакхоьссина цхьа могIа – «Скрипит Америка зубами»Цергаш хьекхош ю Iамерка»)!

Путин везачех бакхийбераш а бу, кхаьрдарш а бу

Социалан машанашкахь, Ютубехь а, кхечу интернет-хьостанашкахь а нохчаша а, Оьрсийчоьнан къаьмнийн кхечу векалша а кеп-кепара хадийна Путин хеставеш эккхийтинчу бараман мах.

Цхьаберш, байташ машанашкарчу шайн агIонашка а йохкуш, боьлу, кхаьрда авторех а, Путин хастош яьржинчу компанех а. Вукхара хестайо байташ а, байтийн авторш а.

IPhone X яккха лууш Ютубе ехкинчу байташна неIалташ кхайкхадо цхьана декъо, вукхо бераш бехказа доху. Кхечара Путина Астанахь къамелдеш, 1999-чу шеран гурахь Соьлжа-ГIалина бомбанаш еттарх лаьцна журналисто динчу хаттарна жоп луш аьлларг дагалоьцу («Оха массанхьа а лоьхур ю террорхойн лар, …эшахь нишкахь а бойур бу - «В тулете поймаем, мы и в сортире их замочим, в конце концов»).

Мел мухха а делахь а, Кадыров Рамзана дIабаьхьначу байтийн къовсамо керла телефон езарш дуккха а буйла гайтина ца Iаш, гайтина Нохчийчоь Кремлх юлуьйтуш айбинчу идеологин белхан хIу нехан синошка а доьжна, кхуьуш дуьйла а, цо стом луш буйла а.

Шуна хетарг

Гайта комментареш

Мила тоьлур ву аьлла хета шуна Мейвезер Флойд Нурмагомедов Хьабибах латахь?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG