ТIекхочийла долу линкаш

ЦIеххьана кхаьчна хаам!

Хала бу Iилманан мохь


Нохчийчоь -- Шен ХIаммер хохкуш ву Кадыров Рамзан, 28Охан2008
Нохчийчоь -- Шен ХIаммер хохкуш ву Кадыров Рамзан, 28Охан2008

Оьрсийчоьнан Лаккхара аттестацин комиссино зорба тоьхна, Iилманан доктор хуьлуш, Кадыров Рамзана язйинчу авторефератан. Цу тайпа биллам бу цу комиссино юкъабаьккхина Iилманан дарж даккха лууш болчу нахана. Кадыровн а, кхин болчу Iилманчийн а белхаш каро аьтто бу Лаккхара аттестацин комиссин интернет агIон тIехь.

Харц Iилманан кандидатийн а, докторийн а терахь Оьрсийчохь тIех сов даьлла аьлла, дIахьедар дира кху деношкахь премьер-министро Медведев Дмитрийс. Цуьнан бахьана дара «Цхьааллин Оьрсийчоь» партин цIарах Оьрсийчоьнан Пачхаьлкхан Думин депутато Федоров Евгенис, диссертаци язъеш, плагиат йина хилар гучудалар.

Харц диссертацеш гучуевлла Москох хьехархойн университетехь а. Наха язйинчу диссертацех, шен ю бохуш, пайда эцар Оьрсийчохь шуьйра даьржина хилар гойтуш ду иза динчу нехан могIаршлахь дуккха а бевзаш болу нах хилар. Ур-атталла Путин Владимир а гучуваьлла, нехан Iилманан балхах пайда оьцуш. Цо шайна плагиат йина аьлла, дIахьедар динера 2006-чу шарахь цуьнан Iилманан кандидатан болх теллинчу Iамеркерчу экономисто Гэдди Клиффорда.

Оццу шарахь Оьрсийчоьнан Лаккхара аттестацин комиссин куьйгалхочо Кирпичников Михаила хаам бира шаьш керла бакъонаш юкъайохуш хиларх лаьцна. Цо дийцарехь, 2006-чу шарахь Мангал-беттан 15-чу дийнах дуьйна хир болу Iилманан кандидаташ а, докторш а декхарелахь бира шайн рефераташ ВАК-ан Iилманан журналашкахь зорбане яха.

Амма и керла бакъо юкъаяккхале Iилманан кандидаташ а, докторш а хила кхиира цхьамогIа политикаш, шайна юкъахь Пачхьалкхан Думан спикер хилла волу Грызлов Борис а, премьер-министр хилла волу Фрадков Михаил а, Комунистийн партин лидер Зюганов Геннадий а, ЛДПР-партин баьчча Жириновский Владимир а, цу хенахь Нохчийчоьнан премьер-министр волу Кадыров Рамзан а волуш.

ТIаьххьарчух льцна аьлча, Iилманан кандидат хиларх тоам а бина ца Iийна иза. 2011-чу шарахь цо докторан болх язбина, "Управление восстановлением и развитием строительной отрасли Чеченской Республики (теория, методология, практика)" [Нохчийн Республикин гIишлошъяран индустри юхаметтахIотторна а, иза кхиорна а урхалла дар (теори, методологи, практика)] цIе а йолуш.

Керлачу бакъонца догIуш ма-хиллара, цу хьокъехь йолу реферат зорбане яьккхина Лаккхара аттестацин комиссин интернет агIон тIехь. http://vak.ed.gov.ru/ru/dissertation/index.php?id54=12653&from54=11
48 агIонах лаьтташ ю иза. Кадыров Рамзанан болх беша, аьтто боцучунна цуьнан чулацам мехала а, авторо вуно чIогIа тIехь къахьегна а хилар гойтуш, яло мегар ду, масала, хIара кийсиг:

"Таким образом, для каждой i-й инвестиционной составляющей можно сформировать множество К3 классов Sk(i) однотипных проблемных ситуаций К3={ Sk(i)}, k=I,m4, где m4- количество различных классов проблемных ситуаций.
Аналогичным образом, формируется множество К4 классов О аналогичных друг другу целевых ситуаций, К2={ О }, i =I,m3.

На основании элементов множеств КI, К3 и К4, после их обобщения, формируется множество ЭS эталонных ситуаций:
ЭS = КI *К2 * К3 ={< ОSj , Sk(i), О >j3}, j3 =I, m5,
где * – знак векторного произведения множеств, в результате которого получается множество полных эталонных ситуаций Эs, состоящих из кортежей вида < ОSj , Sk(i), О >j3.

Для обобщения значений показателей, входящих в элементы ОSj , Sk(i) и О эталонных ситуаций можно воспользоваться следующим приемом. Заметим, что каждый элемент полученных кортежей эталонных ситуаций представляет собой класс соответствующих ему однотипных ситуаций.

Анализируя данные ситуации, входящие в каждый отдельный класс, определим минимальное П(min) и максимальное П(max) значения для каждого входящего в их структуру параметра. Тогда каждый параметр Поб в обобщенном представлении классов КI, К2 и К4 соответствующих им ситуаций будет определяться следующим интервальным значением Поб=[Пmin, Пmax]."


Кадыровн диссертаци кхузахь а еша мегар ду.

Кхунах тера

XS
SM
MD
LG