ТIекхочийла долу линкаш

ЦIеххьана кхаьчна хаам!

Тележурналистан Соловьевн Италехь рогIера вилла а, Maybach машен а карийна Навальныйна


Карара Хан (Настоящее Время)

Коррупцица къуьйсучу Фондо (куьйгалхо Навальный Алексей) Iорадаьхначу кехаташа гойту Оьрсийчохь вевзаш волчу телеэфирлелорхочо Соловьев Владимира Италехь кхин а цхьа вилла эцнийла а, цуьнан долахь уггаре машен - Maybach - юйла а.

Фондо бинчу талламо бахарехь, Комо гIайри тIехь вилла эцна 2013-чу шеран Товбеца-баттахь, 1,021 миллион евро а делла. Иза ю Соловьевн доларчу кхечу цIенна 11 километр юьстах.

Йохк-эцаран кехат а, кадастрера тоьшалла а ду зорбане даьккхинарг.

Фондо дийцарехь, эцначу 37 соти лаьтта тIехь ши цIа лаьтта:

цхьа цIа ду 300 квадрат-метр гергга, 14 чоь ю цуьнан – царалахь ю 5 вуьжу чоь а, 5 луьйчийла а;

шолгIаниг ду хьешан цIа – 90 квадрат-метр, иза 3 чоьнах а, шина луьйчийлах а лаьтта.

Декъа тIехь, стигал кIел, ян йолийна бассейн.

Навальныйс дечу тоьшаллица, йохк-эцаран кехато Соловьев ву боху резидент, меттигера вахархо, "говзалла" цIе йолчу могIанчу яздина "артист".

"Цуьнан ши вилла ю Италехь – иза ду экран тIехь Рудольфыч гича, телехьажархочо дагалаца дезарг", боху политико шен видео чохь.

Иштта, 2018-чу шеран Чиллан-баттахь 15 миллион сом делла Maybach машен а эцна шена Соловьевс, билгалдоккху Навальныйс.

Соловьевн цхьана цIийнах лаьцна Фондо яздира 2017-чу шеран Гезгмашин-баттахь. ХIетахь Навальныйс бовзийтира цуьнан мах – 1 миллиард сом. Иза бакъдеш, долахочун кехаташ а довзийтира цо: Москох - петарш, Москохна гергахь – цIа, Италехь – вилла.

Цунна жоп луш, ша шен бахам цкъа а ца лечкъийна нахах, элира Соловьевс.

"Со-х ваций Iедалан белхахо. Шена луъург дуьйцур ду цо, ткъа ас иза шозза кхело таIзар дина волу къу а, бозбуанча а ву боху. Сан хьал суна тIеяздина ду, цхьаннах а лачкъийна а доцуш, ас ял охьаюьллуш а ду. Официалехь ас алапа оьцу дукха хан ю. Суо вехаш стаг вуйла ас цкъа а ца лечкъийна. ХIун ала гIерта таллам бинарг?" – бохура хIетахь Соловьевс.

COVID-19 ун даьржичхьана махкахь карантин лаьтта, адам гIелделла. Шуна хIун хета: изоляци малъян йогIу, йа кхин а жимма чохь сецча гIоле ду?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

Бехк ца биллар доьху, техникан бахьанашца, сайтан цхьаболу аьттонех пайда эца йиш яц цкъачунна. Масех минотехь кхин цкъа а хьажа.

XS
SM
MD
LG