ТIекхочийла долу линкаш

ЦIеххьана кхаьчна хаам!

Уггаре лахара алапаш Къилбаседа Кавказехь оьцу


Дукха ахча кхочурш леха Москох а, Сибрех а…

Оьрсийчуьрчу бахархошна юкъахь, алапаш дуьстича, кIоргга Iаннаш Iохкийла гойту шо доьрзуш пачхьалкхан ститистийн урхалло Росстато бинчу талламо.

100 000 сом а, сов а алапа оьцу оьрсийчоьнхойх 4,1 проценто.

Массарел а дукха алапа бутт боьрзуш доьзале хьо Оьрсийчоьнан уггаре шийлачу мехкашкарчу а, Москох бехачу а наха. Ямал-Ненцойн махкахь болхбечех доьалгIачу декъанна кхочу 100 эзар сов сом.

ШолгIачу меттехь ю Чукотка – 21 процент.

Москох болхбечех 17 процент бахархошна кхочу даккхий ахчанаш.

Сибрех а, кхиболу шийла мехкаш а кхобург мехкдаьтта, деза маьIданаш ду. Ткъа Москох дIагуллло уггаре дукха ахча, иштта, иза даккха хууш болу нах а.

Амма букъду, Москох хьалхара ю массарел кIезиг а, массарел дукха а алапаш наха оьцучу меттигашлахь.

Уггаре кIезиг алапа кхочучу регионашлахь ю Оьрсийчоьнан юкъ а, къилбе а.

Оьрсий шайлахь кIезиг бехачу къаьмнийн мехкашкахь, даима а санна, сов кIезиг бу белхаш, тIех лахара ду алапаш. Иштачу регионашкахь ах проценте кхочуш-ца кхочуш бу алапа 100 эзар соьмал сов кхочу нах.

Кавказах дерг аьлча, белхалойн доьалгIачу декъан алапа 10 эзар соьме а ца кхочу. Ткъа ша схьаэцча, Дагестанехь балхара оьцу ахча оцу бараме цакхочурш 35 процент бу, Кхарачой-Чергазийчохь – 30,5 процент.

Белхаш боцчу Оьрсийчоьнан регионийн билгало ю кхин цхьаъ а: къахьега меттигаш кIезиг мел хили а йоккха ю схьаоьцучу алапийн башхаллаш. Иза дика го Къилбаседа Кавказехь.

Белхаш бечу нехан юккъера алапа а ду Оьрсийчохь кеп-кепара. Лакхара алапаш лучу регионашкахь юккъера алапа 60 эзар соьме кхочуш делахь, Къилбаседа Кавказехь иза дац 15-20 эзар бен.

Ткъа Нохчийчохь?

Ерриг а Оьрсийчоьнан регионашца алапийн хьолаца Нохчийчоь юьстича, иза 81 -гIачу меттехь ю (85 регионашлахь). Болх а беш, цунах 100 эзар сов сом а кхочуш еха Нохчийчуьрчу хIора 100 эзар белхалошлахь 0,59 процент.

Балхахь болучех 29,5 процент нах бу Нохчийчохь шайн алапа 10 эзар соьме а ца кхочуш. Бехашболучарний, къенчарний юкъара ор а ду цигахь угаре кIоргачех. Кхушара болхбечийн юккъера алапа кхаьчна 14 эзар соьме (Москох иза 3-зза дукха ду). Схьаоьцу алапа доьзал кхаббал дац болхбечу нахах эха декъан.

Шуна хетарг

Гайта комментареш

ГIебартойн-Балкхаройчуьрчу девнна юкъагIерта оьший нохчий?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG