ТIекхочийла долу линкаш

ЦIеххьана кхаьчна хаам!

"Тоххара Iедало хIаллакдора цIоз, хIинца Iедал дац..."


please wait

No media source currently available

0:00 0:03:57 0:00
Линкана тIе

Официалан тIегIано чIагIдарца цаьпцалгийн цIоз даржар бахьнехь кхаш-аренашна кхераме хьал хIоьттина аренца йолчу кIошташкахь: Соьлжа-ГIалин, Гуьмсан, Шелковск, Новр гIалин, Теркйист кIошташкахь.

Ялташ чудерзийна девллачул тIаьхьа, (хьаьжкIашший, малхо дагийна, дакъийна лаьтта маьлхан хIушший доцург), буьйсанаш а шельяла йоьлча, мел кхерам бохьу сагалматийн бIоно ала хала ду.

Новр кIоштан Капустино олучу меттигна гергахь дуьйш-дерзош латтанаш лелош ву Ахмедов Бухади.

Бухади: "ЦIоз суна кхузахь хааделла дац. Суна хезна а, гина а дац, цо дина зенаш а дац. Кхузахь зенаш йокъалла бахьнехь хилла-кх. Ставропол, Дегестан а мехкашкахь дина цара дийцарехь зенаш".

Ставропол мехкан Курской кIоштехь бехачу цхьаболчу нохчаша а даре до цIоз хааделла дац бохуш. Иштачех ву жима стаг волуш дуьйна а вайнаха гIамарш олучу меттигашкахь даьхний кхиош къахьоьгуш волу Дагуев Хьасан.

Хьасан: "ХIан хIан кхузахь цаьпцалгаш зенаш дина дац. Со волчу меттехь а, гонаха а цIоз даьржина бохург бакъ дац".

Хьалха заманахь хилларг дуьйцуш ву Новр кIоштехь 30 шарахь сов латталелош болх бина Астамиров Iалавди.

Iадавди: "Хорбазаш, ялташ ша и мангал хьаькхча охьадохкура цIозо. Хьалха Iедало молха тухура, дов-в олий кеманаш тIехула а хьовзадой. ХIинца Iедал дан ма даций. И дац ала-м ваьхьар а дера вац. Цхьанне а бала бац. Массо хIума а бехаш болчеран кара дIаделла. ХIора шарахь шайна йогIу ял схьа а оьцуш Iаш бу, кхин бала бац".

Ставропол мехкан Курскойн кIоштан Рощина олучу эвлахь дуьйш-дерзочу латтанийн долахо ву Магамадов Увайс. Цо мукIарло дира шаьш долчу цаьпцалгийн бIо кхачар хьокъехь.

Увайс: "Ой чIогIа цIоз деънера, дера деънера. Нефтекумск гIала йолчу агIор и бIо гучубаьлчахьана а кеманаш а гIовттина дукха хIаллакйина Iедало. Нохчийчу Новр гIала йолчу агIор дIаяхи бохур-кх уьш кеманаш тIаьхьар ца довлуш. И бIо дIабахана лаьттан аса яц ша мангал хьаькхча цIанйина бохур-кх кIа аца кIа, хорбаз ца хорбаз а, буц а, хьаьжкIа а…. Кеманаш доккха гIуллакх дина…"

Увайса чIагIдарца латтанаш лелочарна цIоз бахьнехь хилла кхин дIоггара зенаш дац.

Увайс: "Тля олуш цхьа мези бу-кх. ЦIахь мацах цкъа копастна а, помидорна а тIехь хуьлура царех терап садолу хIумнаш, хIорш-м кхин а боьха хIумнаш ю. Инзаре эрчо ю цара йинарг. Буйннал бен йоццушехь тIелеттачу цу мезаша хенал хьалха цIоьлла йоссийра хорбазашка, цул тIаьхьа оха мел хи деттарх кхин гIуллакх а ца хили. И меза баьхьнехь хорбазаш доьазза, пхоьзза лахар хили тхуна. Гектар тIера 50 тонна а ма оьцура оха. Германера ду бохуш деза молханша а диттира, пайда-м ца хили…"

Хьалхо Астамиров Iалавдис къадийна ма-хиллара махкахь бехачу къинхьегамхойн, Iаламца боьзна цхьа бохаме мур беъча, шаьш-шайх, шайн ницкъах тешар доцург, Iедалхошкара гIо хир ду ала дегайовхо кIезиг ю.

Тахана харжамаш хилча, мила хоржур вара ГIалгIайчоьнан куьйгалхо?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG