Ши стаг а вуьйш, вовшахлетта тутмакхаш Хабаровскан махкарчу колонехь, кIиранан дийнахь, хаам бо "Интерфаксо", Оьрсийчоьнан Талламан комитетан меттигерчу Талламан урхаллин зорбан сервисна тIе а тевжаш. Болчу хаамца, талла долийна бехктакхаман гIуллакх.
Зобан сервсисан векалша дийцарехь, №14 йолчу колонехь латар хилла дуккха а чубоьхкинчу наха дакъа а лоцуш. И бахьана долуш ши стаг вийна, 4 тутмакх госпитале кхачийна. Юьйцуш йолу колони ю Амурск гIалахь.
"Интерфаксо" бинчу хаамца, вовшахлеттарг ю колонехь йолчу административан кепана реза йолу а, йоцу а чубоьхкинчу нехан ши тоба.
Администрацин аьтто баьлла карзахдаьлла хьал шен Iуналле эца. Тасадлар хиллачу секторна го а бина, хьал шен куьйгакIел эцна цу чуяханчу лерринчу полицин тобано.
Къепедацарш хиллачу колоне леррина комисси хьажийна, цо къастор ду хилларг.
