ТIекхочийла долу линкаш

ЦIеххьана кхаьчна хаам!

Нохчийчохь тIелеттарш уллера герз диттина байина бохург харцдина Росгвардин векалша


Russian Police
Russian Police

Нохчийчохь Росгвардина тIелеттарш уллера герз диттина байина бохург бакъдоцург ду боху Росгвардин векалша. И верси ялийнера "Новая газето".

Газето дехар динчу суьдан медицинан эксперташа а, баллистикан говзанчаша а тоьшалла дина, сурташ тIехь гуш болу нах юххера герз диттина байина бу аьлла.

Царах хIоранна а коьртах герз тоьхна, лерга уллера меттиг а лоцуш. Кхин герзо йина чевнаш яц царна тIехь.

Цхьана сурта тIехь вийначуьнан скотчаца дегIах йихкина ю куьйгайинчу бомбанан муляж. Гуш ду иза цIийн а, хоттан а томмугIашна тIехула тIейихкина хилар. ТIехула тIе вийначуьнан аьрро куьйга тIехь гуш ю гIоьмаша йитина лар, яздора "Новая газето".

Кхузахь дагадаийта догIу стохка шо чекхдолуш хилларг. ГIура-беттан 17-чу дийнахь Соьлж-ГIалахь кегийрахоша тIелатар динера полицин белхахошна, цул тIаьхьа леррина операци дIаяьхьнера масийтта стаг а вуьйш, 4 стаг дIа а лоцуш.

ЦхьамогIа зорбанан гIирсашкахь хаам баржийнера, дарба деш болу тIемалой муьлуш бу ца хуучу наха байина аьлла. "Суна ца хета и эхь доцу сий доцу пуьташ бийцаре бан беза аьлла»- яздина Кадыровс.

Цу хеннахь Новрара тIелатар а шайна тIелаьцна «Исламан пачхьалкх» олучу тобано. Изза хилира 2016-чу шеран ГIура-баттахь кегийрхоша Соьлж-ГIалахь масех тIелатар дича.

И дIахьедар зорбане даьккхинера оццу SITE Intelligence Group организацино.

Оха хьоьхург

XS
SM
MD
LG