Нохчийчоьнан премьер-министро Хучиев Муслима омрана куьйгъяздина, гIадужу-беттан 1-чу дийнахь дуьйна хала бохкучу доьзалашна догIучу пособин барамна индексаци йеш. ХIинца 166 сом хир ду и.
"Инфляцин тIегIане хьаьжжина [...] хIора баттахь догIу социалан пособина [...] индексаци йе 166,63 соьме а кхачош", - аьлла ду, гIадужу-беттан 18-чохь куьйгъяздина, шолгIачу дийнахь зорбане хIоттийначу омрана тIехь.
Пособи кхачадо таро йоцчу доьзалашна. Республикехь пособин барам бу 14,5 эзар сом болх бан гунахь болчу нахана, 11 эзар пенсхошна, 13 эзар гергга берашна а. Иштта ахчанаш догIу, цхьана доьзалхочунна беттахь 4,5 эзар сом бен пайда хуьлуш бацахь а.
Гезгмашин-беттан 13-чохь Iедалхоша дIаяьхьначу шуьйрачу кхеташонехь мехкан куьйгалхочун а, министрийн кабинетан а администрацин урхалхочо Таймасханов ГIаласа дIахаийтира, Нохчийчохь къоьлла хьоьгуш 91 142 доьзалш бу, царна дала аьлла бахначу бархI баттахь 98 миллиард сом дара хьажийна аьлла.
И бохург ду, юккъерчу барамехь, Таймасхановс чIагIдарехь, хIора таро йоцчу доьзална баттахь дIалуш хилла 134 405 сом. Оцу юкъанна, Росстатан хаамашца, доьдучу шеран шолгIачу кварталехь бахархошна юккъерчу барамехь тIебогIу пайда бу 25 461 сом баттахь. Оцу юкъанна, Росстатан хаамашца, доьдучу шеран шолгIачу кварталехь бахархошна юккъерчу барамехь тIебогIу пайда бу 25 461 сом баттахь.
- 2021-чу шеран жамIашца Къилбаседа Кавказан ялххе а республика дахаран дикаллин къоман рейтинган аутсайдерийн могIарехь нисъйелла.
- 2022-чу шеран дечкен-марсхьокху а беттанашкахь кхечу пачхьалкхашка дIабахана Нохчийчуьра 948 бахархой – стохка оццу хенахь хиллачуьнца дуьстича, терахь кхоазза лакхара ду. Иштта пачхьалкхехула дIасалеларш а алсамдевлла махкахь – Нохчийчуьра Оьрсийчоьнан кхечу регионашка хаъал дукха дIаоьху нах, юха богIучу меттана.
- Кавказ.Реалиига дийцира эксперташа,мобилизацино а, боьдучу тIамо а Къилбаседа Кавказан регионийн социалан хьолана муха Iаткъам бийр бу.
- 2021-чу шеран хьесапашца, уггар а гIад дайначу хьелашкахь йолчу итт регионашлахь ю ГIалгIайчоь (1 балл), Кхарачой-Чергазийчоь (6 балл), ГIалмакхойчоь (7), Нохчийчоь (8,9), ГIебарта-Балкхаройчоь (12,5), Дагестан (16,3).
- Марсхьокху-баттахь Кадыровс тIедожийра, тIеман гIуллакх дан дуьхьал болчу доьзалашкара социалана ахчанаш дIахедаде аьлла.
