ТIекхочийла долу линкаш

ЦIеххьана кхаьчна хаам!
please wait

No media source currently available

0:00 0:10:13 0:00
Линкана тIе

200 шо сов зама ю Гуьржийчуьрчу бацойнний, нохчийнний, гIалгIайнний меттанийн юкъарлонех дийца долийна. Делахь а, ца го уьш цхьа наггахь таллам арахоьцучу Iилманчашна бен.

Нохчашлахь бацой хьахабелча уггаре хьалха а, тIаьхьа а дагавогIу веккъа цхьа Iилманча – Советан заманара академик-лингвист Дешериев Юнус. Бакъду, цуьнан а, цул тIаьхьа и тема хьехийначийн а тидам беккъа маттаца лелла. Ца бина шайна кхочучу декъанна болх я историкаша а, я этнографаша а.

ТIаьххьарчу заманахь, мелла а цIена бийца бисинарш къаной бен боцуш, бацойн мотт, ган а гуш, леш бу. Хала ду иза бийцийта, лерг деладайта нах ша Тушетехь карон а.

Эрзанукаев Азамат, дишни-веданхо, Нохчийчуьра могIархо, ненан мотт леррина Iамош а, безаш а ша хиларе терра, бацой болчу кхача, мел бакъду церан нохчашца зIе ю бохург, Iилманчаша дуьззина ца теллинехь а, ша зен хьаьгна вара дукха хенахь дуьйна.

Иза эххар а кхечира Тушете, карийра бацой, тесна цаьрца гергарло.

Азамата иштта дагалоьцу ша цIова-тушинийн матте ладогIа, оцу къоман гIиллакхаш зен муха вахара, ша а, шеца хиллачу накъосташна а хIун хьал карийра Тушетехь.

Эрзанукаев: «Со ГIалгIайчуьрчу сайн хьешашца цхьана вахара Тушете дуьххьара. Вуно дика накъостий бу суна уьш хIинца а. ДIадоьлхуш, тхо Казбегехь севцича, оха некъ хаьттина воккха стаг ша а нисвеллера бацо. Иза шен цIа вуьгуш, къхечира Тушете.

Цигахь доггах тIеийцира бухарчу бахархоша. Оха дийнахь-буса бира тхайн дуьххьара таллам. ДIадахча, со хьагна вехара цига юхакхача..."

Иштта хеза бацойн мотт эшаршкахь.

Шена Тушетехь лелийна хьошалла, цигахь карийна хьеший, бацойн мотт муха бека – дерриг а дийцира Эрзнукаевс интернетехула. Цунна гира бацойн мотт нохчийн маттах тера хиларал совнаха, цуьнца нохчашлахь ширачу дешнийн дуккха а хорханаш юйла.

Эрзанукаев: «...ШозлагIа вахча, ас цигахь 17 де-буьйса даьккхира, бевзира вуно дукха дика нах. Цаьрца хан йоккхуш, суна сайна а Iама герга бара бацойн мотт.

И мотт вайн дайша бIешераш хьалха бицинарг бу. Бовш лаьтта. Бераша ца буьйцу. Баккхийчара а гуьржийн маттаца иэбина буьйцу. Талла безаш бара бацойн мотт. Цо дуккха а шира дешнаш меттахIиттадойтур дара вайга а, гIалгIашка а."

Интернето лучу таронех пайда а оьцуш, бацошца шаьш-шайна гергарлонаш леладо дуккха а нохчаша, гIалгIаша. Амма бан безаш буьсу церан меттаца талламаш, таллаза юьсу къоман историн къайленаш.

Шуна хетарг

Гайта комментареш

ТIейогIучу аьхка стенгахь садаIа дагахь ду шу?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG