Арахьарчу политикан урхаллаца Донбассерчу тIеман конфликтах лаьцна дIасакхехьийтина кехаташ Дуьненаюкъарчу Гаагерчу кхеле дIадала сацам бу Украинан арахьарчу гIуллакхийн министраллин. Украинан Дуьненаюкъарчу кхелан векалан хаам юьхьар а эцна, Iамеркан юристо Зионц Давида аьлла и бохуш, яздо "Европан бакъдерг" газето.
Зионца бахарехь, шайлахь дина йозанаш кхеле кхачо Iалашо хилла, Оьрсийчоьно Украинас цхьа а билггал претензи ца йира, Кремло Донбассехь а, аннекси йинчу ГIирмехь а лелочух аьлла дина дIахьедар бахьанехь.
Украинан Оьрсийчоьнна дуьхьал елла иск къастош ю Гааган кхел. Кремл жоьпе озор доьху Киево, ши конвенци цо йохорна: терроризмана ахча латторца бечу къийсамехь а, расийн дискриминаци дIаяккхарехь а.
Дечкен-баттахь чуелла иск листа йолийна оршотдийнахь.
