Эмиграцехь вехачу нохчийн политикан Хакаев Ахьмадан вашас Закаев Iелас видеокхайкхам дIаязбина, халкъ дика дехаш ду, Iедалшна критика ян оьшуш дац аьлла.
Закаев Iелин къамел зорбане даьккхина "Чечня Онлайн" инстаграмехь ГIура-беттан 1-чу дийнахь. Цул хьалха социалан машанашкахь видеокхайкхам баржийнера нохчийн блогеран Халитов Хьасанан ден ГIанин, тIекхачавелча иза сацо вийна а цхьаъх дийра дара ша аьлла волчу.
"Кавказский узел" сайто (Оьрсийчоьнан Iедалаш иза арахьара агент лаьрра; "Кавказский узел" цунна реза яц. – Ред. билг.) гочдина Закаев Iелин къамелан цхьацца долу дакъош.
"Ахь боху, [йозуш йоцу] пачхьалкх? Аш шина шарахь гайтира пачхьалкх муха хуьлу – шун [шина] стагана юкъахь а бацара барт. Аш иза гайтира. Ткъа [нохчийн] пачхьавлкх – хIица ю-кх пачхьалкх. Неха кхача бу. ХIун оьшу адамашна, дена а, нанна а? Бераш кхиор, царна кхачам бар, аьтто бан церан деша.", - чIагIдо Закаев Iелас.
Закаев Iелас иштта хаам бира, Нохчийчоьнан куьйгалхочо Кадыров Рамзана цуьнан цхьа дехар кхочуш дина хиларх лаьцна: "Суна тахана гIо дира, суна кхузахь вайн падчахьа гIо дира, вашалла дира, жоп делира сан дехарна. Делан лаамца, халкъ дика дехаш ду, халкъана оьшуш хIумма а дац. Дала диканиг дойла вайна".
- Гезгмашин-баттахь хаам бинера, муьлш бу ца хуучу герзаца хиллачу наха Закаев Ахьмадан гергарнаш лецна дIабигарх лаьцна. Царна юкъахь вара Закаевн ши ваша – Бувади а, Iела а, цаьршина хIусамнаной а, ткъа иштта йиша Зеза а. Суьйранна уьш дIахийцира, Закаевн цIарах критикан видеокхайкхам а язбайтина.
- Нохчийчоьнан парламентан спикерца Даудов Мохьмадца цхьаьна йинчу эфирехь, Кадыровс кхерам тесира, "ша сийна цIе тесна вагор" ву аьлла.
- Закаев Ахьмадан вевзаш волу нохчийн политик карарчу хенахь Британехь вехаш ву.