ТIекхочийла долу линкаш

ЦIеххьана кхаьчна хаам!

Стенга сатуьйсу Нохчийчуьрчу бахархоша?


Маршо Радион архивера сурт.

please wait

No media source currently available

0:00 0:04:18 0:00
Линкана тIе

БIеннаш эзарнашкахь аьлча а сов хир доцуш, болх-некъ а карийна, Iар-дахар а нисдина дукхе дукха вайнах беха Оьрсийчоьнан кIошташкахь а, иттаннаш кху дуьнентIерчу пачхьалкхашкахь а, къасттиина Малхбузенехь.

Шайн лаам-аьллар чекхдаьлча цара хIун дохьийла лаьара шуна Даймахка?

Цигахь уьш бола а боьлла, царна хийра доцучу дахарера уггаре хьалха хIун хийцамаш ган лаьара шуна шайн дахарехь? Цу могIарерчу хеттаршна бахархоша луш долу жоьпаш вуно атта ду кхето. Массара а бохург санна сатуьйсу болх-некъ хиларе а, токхечу, синтемечу дахаре а, нийсо-бакъо баьрччехь хиларе а.

Цунах дуьйцуш ю Шелковскан кIоштара кхаа беран нана Келиматова Яхимат а: «Нийсо йоуьйтур яр-кх ас дуьххьала. Болх-некъ а боуьйтур бара. Дерриге хьайн чоьтах лело дезаш ду массо хIума а. Кхерам а дIабоккхуьйтур бара. Цхьа хIума ала йиш а яц, дийца а ца мaгадо. Адам паргIатдолу агIо езар-кх».

Ткъе итт шо гергга хан ю Магамадов Хьасан махках а ваьлла, Владимир кIоштахь веха. Шена хетарг дахаре дерзо йиш хилча боху цо, цкъа гIалатло яьллера аьлла ша стаг нажжаз веш сийсаз а войтур вацара, я цуьнан цIеранаш нахала а бохуьйтур бацара: «Ас сайха доьзна хилча, тIаьхьаьша лер дуьтуьйтур дар-кх уггар хьалха, шолгIа, ледарло яьллера аьлла цхьана-а дена тIеIаткъам бойтур бацара, цуьнан цIеранаш а хьийза а бойтур бацара». Ишта бовзийтира шен хьажам Магамадов Хьасана.

Ша уггар хьалха нахана Европехь санна болх-некъ хуьлуьйтур бара, гIийла бохкучарна цигахь санна кхачо йоллуш гIо-накъосталла дойтур дара элира Соьлжан кIоштарчу Висханов Доккас: «Кхузахь болх-некъ бац. Ас кегийчарна болх нисбийр бар-кх. Дан хIумма а доцуш лелаш бу тIекхуьуш берш. Церан къа мича даха деза? Кхузахь луш долу пособеш а цIена белам бу».

Шен ницкъ кхаьчча ша кхиазхошна, кегийрхошна гIо а дойтур дара спортан инвентарь дIахIоттор биста кхаччалц, цомгашчу нахана мел оьшу молха а хуьлуьйтур дара маьхаза. Иштта ойла кхобучех ву Старопромысал кIоштера зIаьIапхо Эдалсултанов ТIаус: «ТIекхуьучу чкъурана гIо дойтур дара ас, массо хIуманал а хьалха. Церан самукъадолу, царна пайдехьа хиндолу хIума дара хьалхадаккха дезарг. Дукха адам ду махкахь цамогуш. Царна гIо а дойтур дара. Болх-некъ а хуьлуьйту агIо а юьхьарлоцуьйтур яра.»

Мискачарна а, лазархошна а Европехь мел деш долу дика ша махкахошка Даймахке кхачадойтур дара. Ишта лаам гайтира соьлжагIалахочо Мусаев ИбрахIима: «Мискачарна, лазархошна Европехь деш долу гIо-накъосталла сехьадоккхуьйтур дар-кх ас уггар хьалха. Давуьсийла цигахь санна алапаш а, карадогIуш хIума а долуш делара кхузахь а. Церачух дахар дуста а дуьстина, цигахь санна нийсо-бакъо а елара кху Оьрсийчохь а. Кхузахь адам дан хIума доцуш тасаделла доллуш ду. Бехаш берш кхин тIе а баха ховшуш бу, мисканиг кхин а охьатаIош ву кхузахь. Цкъа мацца а нислур хир ду-кхь хIара».

Вайнехан дахарехь дика, бIаьрла хийцамаш ган лууш мел диначу къамелашкахь дегIан цIий, тIум санна юкъара дара аьлла хета ерриге Оьрсийчохь а олалла деш нийсо а, бакъо а хиларе сатийсар. Дукхах болчарна моттарехь, уьш хилча кхидолу къачамбацарш, нийсадацарш ша-шаха дIадевр ду.

Шуна хетарг

Гайта комментареш

Шуна муха хета, даггара дуй шена зен хиллачу доьзало Iедална хьалха куьгбехкенаш кIелхьарбахар?

ХIара Iилманца нисбина кхаж бац. Жоьпаш деллачарна хетарг бен ца гойту кхо.

XS
SM
MD
LG