Оьрсийчоьнан Федералан кхерамазаллан сервисана билгалонаш ца карийна Ту-154 кема дохаран бахьана теракт хилла аьлла. Цунах лаьцна хаам бина «Интерфаксо».
Говзанчаша дийцарехь, Оьрсийчоьнан тIеман министраллан кема чударан коьрта бахьанаш хила мега моторана чу цхьаъ кхетар, вон ягориг хиларна, мотораш болх бечура совцар, кеманна урхалла деш гIалат далийтар, кеманан техникан кепара кхачамбацарш хилар.
ТАСС агенталло дийцарехь, доьхначу кеман аьхкаш карийна Iаьржа хIорд чохь 25 метр бухулахь. Кема доьхначу меттигехь болх беш бу орцанхой.