«Левый блок» боламан координаторна, «Кавказан узел» агенталлан журналистна Рязанцев Владиславна тIелатар дина Ростов-ГIалахь, бевзаш боцчу наха. Фейсбукерчу шен пенатIехь журналисто ша бина и хаам.
Цо бахарехь, тIелеттарг ву 5 стаг. Стенца доьзна тIелатар, цкъачунна хууш дац. Кхаарийдийнахь Нохчийчоьнан парламентан спикеро Даудов Мохьмада Инстаграмехь йоза дитинера, «Кавказан узел» агенталлан коьрта редакторна Шведов Григорийна кхерамаш туьйсуш.