Исмаилов Абу. Ненан дог

Исмаилов Абу. Ненан дог.

Исмаилов Абу. Ненан дог

КIанта-м ша, кхиъначу цIахь санна,

Дика Iаш ву, бохуш яздора.

ХIетте а цу ненан-мисканан

ГIийла дог са ца туьйш Iийжара.

Цу даго вониг дIатоьттура.

Цу даго диканиг хьоьхура.

ГIенах цхьа чалх дуьхьалтесначохь,

Мерза кхаъ хир бохуш туьдура.

Цу дагна хаара шал шера,

КIант вуйла луьрачу меттигехь.

«ХIумма а дац, – олура ша-шега, –

Къонах зоь халачу киртигехь».

Цо ша а аьллера шен кIанте:

«Мегар дац, хьо хилахь осала,

Ер ма яц со хьуна къинтIера,

Хьоьгахь цхьа ледарло туосалахь…»

… Собаре хилалахь хIай, нана!

Эшначохь юьртана, махкана

ДIавала ахь хьоме кхиийна,

КIант вели лийрбоцчийн дарже…