Поддубный цIарх грекан-риман кепара охьатохарх латарехула турнир дIаяьхьира дечкен-беттан 21-22-чу деношкахь Москох. Цу турнирехь ши нохчочо толам баьккхира: 71-чу дегIан йозаллехь дашо мидал яьккхира Манцигов Абуязидс, ткъа 80-чу дегIан йозаллехь толамхо велира Лабазанов Чингиз. Кхин цхьа нохчочо - Акиев Адланс - дато мидал еара Нохчийчу.
Билгалдаккха деза, и дуьненаюкъара турнир Оьрсийчоьнан чемпионат санна мехала лору атлеташа.