Дуьххьарлера цхьаьнакхетар хир ду Iамеркан а, Оьрсийчоьнан а президентийн Трамп Доналдан а, Путин Владимиран а кху беттан 7-чу дийнахь, Германерчу ХIамбургехь хир йолчу G-20 саммитехь.
Цунах лаьцна дIахьедар дина Оьрсийчоьнан куьйгалхочун гIоьнчо Ушаков Юрийс, хаам бо РИА Новости агенталло.
ХIара шо даладелчхьана Трампа а, Путина а кхузза къамел дина телефонехула. Стигалкъекъа-бутт болалуш шина президенто хаам бира шаьшшиъ цхьаьнакхета лаам болуш хиларх лаьцна.