Гуьржийчохь ПIаьнгIазарчу бахархоша дуьхьалонан акци дIаяьхьна Дуисехь, Мачаликашвили Темирлан вер хьокъехь бакъболу таллам дIахьо бохуш, хаам бо «Гуьржийчоь онлайн» агенталло. Гулбеллачара дийцара, таллам бахлур а бу, цхьа а жамI а доцуш дIабоьрзур а бу бохуш.
Мачаликашвилин да-нанас кхайкхам бина Гуьржийчоьнан Iедалшка кхерамазалин сервисан куьйгалхо балхара дIаваккхар а, шайн кIант вийна нах кхеле озор а доьхуш.
ПIаьнгазара бахархой цхьаьнакхета лууш бу коьртачу прокурорца Шотадзе Ираклица, цуьнга беш болчу талламах лаьцна шайна дийцийта Iалашонца.
Дуисерчу дуьхьалонан акцехь дакъалаьцначу наха дийцара, Iедалш шайга гома хьожуш хииларх лаьцна.