Яралиев Юсуп. Сан корах чухьоьжу...

Your browser doesn’t support HTML5

Яралиев Юсуп

***
Сан корах чухьоьжу
бӀаьрг сийна Ӏуьйре.
Сан дагахьбалламийн
дуьхе и юьйлу.
Ӏехаво Ӏуьйрено,
коьртах куьг хьоькхуш,
Йицъяйта
хьаьъначу селхенан хьоькхнаш.
Со Ӏуьллу, набарха
валанзий, ваьллий,
дахкаро, тӀехьерчаш,
сагатдо лаьмнийн.
ЦӀийелла, качъелла
еана Ӏуьйре
Йочана ян гӀерта,
дохк-марха уьйуш.
Я Ӏуьйре, лууш сан
дог-ойла йовза,
ХӀиллане забарш еш,
юьйлу-те ловза?