Еарин суьйранна вевзаш воцчу стага, хетарехь, Калашниковн автомат йиттина Лубянкерчу ФСБ-н гIишлонна хьалха. Къайлахчу сервисийн юкъараллаца зIенаш латточу Центро хаамбарца, суьйранна 18:10 минот яьллачу хенахь ФСБ-н гIишло чохь долийна герз детта. Чевнаш йина некъан полисхо Фисенко Илья велла. Могушаллин министраллан информацица, чолхечу хьолехь ву кхин а ши ФСБ-н белхахо. Верриг а лазийнарг пхи стаг ву. Герз детташ гинчара а тIечIагIдина, масех стагна чевнаш йина хиларх.
Видео: Ксения Живаго / Медиазона https://t.co/Ffr67rwQPh pic.twitter.com/udpw6CJjnk
— Медиазона (@mediazzzona) 19 декабря 2019 г.
ТIелеттарг кхоъ вара, ткъа хадархошца тасадаларшкахь ши зуламхо вийра аьлла, яздира юьхьанца "Москва" агенталло. Иштта церан версица, кхоалгIачо ара а иккхина, ГИБДД-н белхахо вийна, гIишлонна дуьххьал лаьтташ хилла. Цул тIаьхьа 300 метар вада аьтто баьлла, цхьана цIа чохь къайлаваьлла хилла иза. ТIекхиъначу ницкъахойн каяьлла иза вен.
More video from near the shooting, close to the FSB building, courtesy @BreakingMash. News reports say there are fatalities pic.twitter.com/Inu0QRP6Y4
— Mike Eckel (@Mike_Eckel) 19 декабря 2019 г.
ТIаьхьо ФСБ-н пресс-гIуллакххоша Iорадаккхарца, тIелатар динарг цхьаъ ву, ФСБ-н гIишло чу кхача аьтто ца баьлла цуьнан.
Цхьана ханна Москвахь "Сирена" план а йолийна, Лубянкина гонахара масех урам дIа а лаьцна, лаьттира герзаца болу нах.
Издание Baza опубликовала ещё одно видео с моментом перестрелки около здания ФСБ pic.twitter.com/dAGy58zI5E
— CIT (@CITeam_ru) 19 декабря 2019 г.
Кхерамзаллан органийн белхахошна леринчу концертехь Кремлехь Оьрсийчоьнан президент вистхуьлучу заманчохь иккхина инцидент, "Интерфаксон" информацица.