БIаьстенан каникулаш массех де хьалха йолош а, деношца совйохуш а ю Къилбаседа ХIирийчохь. Кхана юьйлаелла, уьш яхлур ю тIебогIучу беттан 28-чу дийнналц. Ишта бакъо къастийна доьшийлашна республикан дешаран министралло.
Коронавирусах бераш а, хьехархой а ларбархьама бина и сацам.
Берийн бошмаш къовлаза ю БурийтIехь а, мехкан кIошташкахь а, амма йовхарийн цамгарш кхетта бераш 20 процентал сов долчу бошмашна хьоьху Iедало карантин хIоттор.
Селхана сарахь Къилбаседа ХIирийчоьнан университетан куьйгалло а бина сацам дистанционан кепехь дешар дIадахьа.