ТIаьххьарчу буса а, дийнахь а Къилбаседа Кавказехь коронавирусан уьнах велла исс стаг, ун къаьстина кхин а 515 вахархочуьнца.
Эпидеми дIаса ца яржийта Iалашонца кхоьллинчу оперативан штабан зерашца, Дагестанехь велла кхоъ, Краснодаран кIоштахь а, ГIебарта-Балкхаройчохь а, Ставрополехь а шишша.
Верриг а Къилбаседа Кавказехь COVID-19 инфекцех велла 705 дархо. Къаьсттина дукха бу ун даьлла нах Ставрополан махкхахь – 102 стаг:
- Ставрополан мохк +102 (4 451 ву эпидеми яьржичхьана)
- Кхарчой-Чергазийчоь + 87 (2 902)
- Дагестан + 79(7 267)
- ГIебарта-Балкхаройчоь + 75 (4 511)
- Краснодаран кIошт + 61 (5 501)
- Къилбаседа ХIирийчоь + 30 (3 798)
- Адыгей + 28 (1 569)
- ГIалгIайчоь + 22 (2 828)
- Нохчийчоь + 19 (1 619)
- ГIалмакхойчоь +12 (1 339)
Къилбаседа Кавказехь верриг а ун даьлла ву 34 458 стаг. Йоллу Оьрсийчоь бу уьш, оперативан штабан зерашца, 592 280 пациент.
- Яхначу цхьана буса а, дийнахь а Къилбаседа Кавказера Ставрополан мохк а, Кхарачой-Чергазийчоь а лидерш хилла коронавирусан ун даьлла нах совбовларна. Масех баттахь оцу тептарех хьалха яра Дагестан. Ткъа хIинца, Оьрсийчоьнан могушалла Iалашъяран министраллан информацица, Дагестанера коронавирусан хьал цхьана эшшарехь ду.