Ринга тIехь зудабераша дан хIума дац ша аьллачул тIаьхьа, шегара бехкаш дохуш йинчу критикана жоп делла ийначу кепехь латарийн спортхочо, UFC-н хиллачу латархочо Нурмагомедов Хьабиба, яздо Lenta.ru гIирсо Islam Channel YouTube-канална тIетевжина.
"Цхьаммо хаьттира, вайн промоушенехь (Eagle FC-Редакцин билгалдаккхар.) зудабераш хIунда дац аьлла. МаьIне ца хета сайна аьлла, жоп делира ас. Цхьаберш реза ца хилира ас бохучуьнца. Суна бен-башха дац наха хIуъа а бахахь а. Сайн ала хIума делахь, сайна хетарг дIаолу ас", - дIахьедина Нурмагомедовс.
- Марсхьокху-беттан 25-чохь Нурмагомедов Хьабиба хазийра, UFC-н ринга тIе дуьйлучу зудабераша (ринг-герлз) цхьана а кепара спортана бохьуш пайда бац, ММА-хь уггар а оьшуш боцурш бу уьш аьлла.
- Хьалхо хаамашкахь яздира, Оьрсийчоьнан журналисто Собчак Ксенияс а бехкбаьккхина хиларх спортхочуьнгара, цо динчу дIахьедарана тIехула.
- ММА-н ийначу кепехь латаран доьазза чемпион ваьллачу Емельяненко Федора комментари йитира, къовсамашкахь ринг-герлз хиларх лаьцна. Цунна хетарехь, цара цхьана а агIор новкъарло ца йо цунна, йа цаьрца гIуллакх а ца догIу цуьнан, яздира NewsMMA гIирсо.
- Оьрсийчоьнан боксехь латархо йолчу Семенова Ангелинас бехкевира дуьххьара UFC-н хилла чемпион Нурмагомедов Хьабиб, цхьайолчу спортехь ринга тIе буьйлучу мехкаршна (ринг-герлз) дуьхьал аьллачунна тIехула. "Дагестанан лаьмнашкахь хиллачу сексизмех воьллачу Хьабиба и йита еза дукха хан ю, нагахь санна, дуккха а хIума хийцаделлачу юкъараллехь ваха ша дагахь велахь. Йа ша схьаваьллачу меттигехь хIиттаде шен низамаш, мацца хийцаделла а, цигара хьелаш а кхуьур ду цкъа мацца а", - дIахьедина Семеновас. Цуьнан дешнаш далийра MetaRatings сайто.