Your browser doesn’t support HTML5
22 шо кхаьчна Нохчийчохь луьра Хьалхара тIом болабелла
Цу хькъехь цо куьг таIийначу номер 2169 йолчу указан цIе иштта яра: «Нохчийн Республикан территори тIехь низам а, низаман къепе а, ткъа иштта юкъараллан кхерамазалла а дIанисъян оьшучух лаьцна».
Ельцин Борис
Оццу дийнахь, тIеман министраллан а, Чоьхьарчу гIуллакхийн министраллан Чоьхьарчу эскаран а цхьаьнатоьхначу эскарийн тобанан дакъош чудуьйладелира Нохчийчоьнна. ДIаболабелира Хьалхара тIом.
Кхаа декъе декъна эскарш чудахара кхаа агIор. Малхбузехьара – Къилбаседа ХIирийчура а, ГIалгIайчура а, къилбаседа-малхбузехьара Нохчийчоьнца доза долчу Моздокан кIоштара, ткъа иштта малхбалехьара - Дагестанан территори тIера.
ТIаьхьо Хьалхара тIом боьдуш президентан указийн а, Iедалан сацамийн а доккхах долу дакъа Конституцица догIуш дацара аьлла дIакхайкхийра Оьрсийчоьнан Федерацин Конституцин кхело.
Нохчийчура хьалхарчу тIамехь кхелхинчу адамийн терахь билггал хууш дац.
Инарло Григорий Кривошеевс куьйгалла деш хиллачу Оьрсийчоьнан талламан тобано чIагIдарехь, Нохчийчохь Хьалхарчу тIамехь вийна 5042 Оьрсийчоьнан эскархо, 510 - лар йоцуш вайна лоруш ву, 16 098 стаг чевнаш йина хилла.
Мемориало дийцарехь, цу тIамехь кхелхина 2700 гергга нохчийн тIемало. Оьрсийчоьнан Кхерамазаллин Кхеташонан секретар хиллачу Лебедь Александара тоьшалла дора Нохчийчохь 80 эзар маьрша стаг вийна бохуш.
Оцу хенахь болийна тIом хIинца а буьззинчу барамехь бирзина бац адамийн дегнашкахь.
ТIаьхьарчу хенахь нохчийн къоманна балабоьссина и де дагалоцуш Iедал ду махкал арахьа, коьртачу декъана Малхбузехь. Иштта Австрин коьртачу гIалахь Венехь гулбеллера вайн махкахой кху акце.
Your browser doesn’t support HTML5
Нохчийчохь Хьалхара тIом болабелла де дагалецира Венехь