Яхначу сарахь шайца тΙом бина гΙаттамхой лохуш бара УнцΙукъулан кΙоштарчу БалахΙуни-юьртана гонаха Дагестанера ницкъахой еарий дийнахь, официало бахарехь. Амма йозуш йоцчу хьостанаша дуьйцу, цигахь кхо тΙемало а, цхьа полисхо а вийна, бохуш.
ГΙизларна уллерчу Шаумяны-юьртахь а дара еарий сарахь а лаьтташ тΙематасадалар. Гобинчу цΙачуьра Ιедалхоша цхьа тΙемало вийна, кхочучу хаамца. Ткъа цигахь гонелаьцна вара, полицино чΙагΙдарехь, кхин а кхоъ.
Хасу-Юьртахь а вийна цхьа полисхо, шиъ лазийна.
Ткъа Буйнакскан кΙоштарчу цхьана школан кертахь иккхина тΙемаΙамораш дΙахьочу салташа хецна ши йоккхачу тоьпан хΙоъ. Ιадийначу берашлахь чов цхьанне а ца хилла.