Украинан Лакхарчу Радин депутаташа пакчхьалкхан Конституцин Кхеташоне хьажийна президента Порошенко Петрос мехкан конституцехь хийцамбар доьхуш чуделла дехар. Сепаратисташа лаьцна кхобучу Луганскна а, Донецкна а алссам маршонаш къасторах лаьцна ду Порошенкон дехар.
И дехар Радехь хазийначу Порошенкос элира: «Донбассна шатайпа статус къастор дац ас доьхург, цунна шех доладар мелла а паргIатдаккхар ду».
