ТIекхочийла долу линкаш

ЦIеххьана кхаьчна хаам!

"Ма дика ду тхан кхузахь Iан ца дезаш!"


Соьлж-ГIала

Шарахь цкъа-шозза цIа а оьхуш, гергарчаьрца,марзо ца хадош, уьйр-юкъаметтигаш лелайо Европехь ирс-аьтто карийначу вайнаха. Бакъду къамеле баьхча царлахь наггахь стаг а ца караво хьажа-хIотто доцург цIа верза лаам болуш. Стенна ца лаьа царна цхьана ханний бен Даймахкахь совца?

Кху тIаьхьарчу шерашкахь шатайпа ламаст а хилла дIахIоьттина марха досту денош герга кхачарца, Европехь беха нохчий цIа эхар. Харц хир дац уьш эзарнашкахь цIехьа таттало аьлча а.

Тамаше хеталург ду оцу хийрачу мехкашкахь дерг дош а дац, шен Даймахкахь гIоле ду, дахар а ду башха, ног етташ кхехкаш, заздоккхуш толуш, аьлла, дош хазош стагга ца караво хьажа-хIитта баьхкинчарлахь.

Мелхо а царлахь жимачо а, хенарчо а олуш дерг, вовшашца барт бича санна тера догIуш къамелаш ду. «Ма дика ду тхан кхузахь Iа ца дезаш! Галдалахь бен лартIа догIуш дац шу дахарра-м.СинпаргIато яц шу кхузахь»… ишта кхин дIа а.

Герггарчу барамехь цу кепара къамелаш хазадо Европерчу хьешаша. Кхузахь цIахьбисар хьахаделча, сел чIогIа бIокъажийна стенна хьийза Европера нохчий? Оццул маьттаза,гIаддайна а ду те Оьрсийчоьнан кIошташкара Iар-дахар? Цу а, кхечу а хеттаршца йоьзна шен дог-ойла йовзуьйтуш ю Фаранцера По гIалара еъна Хабаева Хатимат.

Дуьненахь воуьйтур вацара ша шен виъ кIант гуттаренна а кху цIа боху Хатимата. Цо кхеторехь церан дахар тIекIалтухуш, хIаллакдеш боккха бохам-катастрофа хир яра иза тIаккха.

Хатимат: «Кхузара нах хала бохку. Кхана доьзална ас хIун яо еза те аьлла де токху кхузахь. Цигахь и аьттехьа а дац. Юург-мерг цигахь кхачо йоллуш ю. Хьуна цхьа даккхий цIенош, еза машен а езахь ахьа тIетаьIIина къахьега деза. Ткъа ахь долчуьнан тоам бахь вай цIахь санна даа-мала латто гIерташ корта кегго ца оьшу цигахь.

Сан виъ кIант ву уьш цIа боьрзур бу аьлла суна-м ца хетта. Я уьш цIаберзо гIерташ сингаттам соьгахь а хир бац. Суна кхераме хета сайн бераш кхуза схьадалор. Бахьанаш дукха. ХIун хир ду те, хIун хила доллу те? Хаза Iаш ду-кх вай аьлла паргIат дац кхузахь дахар…»

Нохчийчохь долчу дахаран теш а хилла, ярташкахь бехачу дукхахболчарна а ца хета Европехь дIа а тарбелла, болх-некъаца аьтто а хилла бехаш берш гергарчаьргара хьал-де хаий бен цIа бахка оьшу аьлла. Австрехь йоI а, Бельгехь шен доьзалций кIант а ву Новр кIоштерчу Асхьаба. Цунна хетарехь цхьа коьртана галваьлла воцург гуттаренна а юхавоьрзур вац Европера.

Кху марха достучу деношна лерина шайн юьртара дукха нах баьхкинера марханаш къобалдан, царех цхьаъ ца карийра суна юха Европе дIа ца ваха Iалашо йолуш боху Асхьаба.

Асхьаб: «Сайн амал а долуш ас-м балор бац уьш цIа кхин хийцам ца хилахь. Хьаькамаш шайна бу, нийсо яц, озабезамаш а беш, шайниш балха хIиттабо. Кхинарг дIахIоттахь а и бан ца вуьту. Ас я кхечо хIокхунна со реза вац аьлла бакъдерг дIаала маьрша дац, тIепаза войур ву, даьлла хIума а доцуш лаца тарло.

ЦIа баьхкина дукха бу, амма дIагIур вац ша бохуш-м вац стагга а. Кхузахь долчу хьолаца кхузткъара ваьлла стаг вала веза хьал ду-кх. Балхара дIабохуш бу 60 шо кхаьчнарш. Европехь санна луш пенси а, пособи а хилча цIахь мила Iийр вацара? Самукъане лелаш ма бац баккхийнаш. Валлай ас-м балор бац».

Жимма а ахкаме ваьлча къастам боллуш билгалдолу Еврпехь бехаш берш а,дийцарехь а доцуш кху цIера дахар чуьра девзаш а берш, Iедалан тIегIанахь туьйранашкахь дуьйцучу дахарх а цуьрриг а баккхийбеш бац. Чот йоцуш дукха бу таро елхьара дазонал дехьа бовла салаьтташ берш а.

Хьажа комменташка (2)

ХIара форум дIакъевлина ю.

Комментареш

New Comments Available

Оха хьоьхург

XS
SM
MD
LG